Вы тут

У Дубаі заступіў на службу робат-паліцэйскі


Паліцыя Дубая ўзяла на працу робата RЕЕM, спраектаванага іспанскай кампаніяй РАL Rоbоtісs. Ён заступіў на службу літаральна гэтымі днямі.


RЕЕM уяўляе сабой гуманоіда на колах ростам 1,67 метра з галавой, дзвюма рукамі і сэнсарным экранам у грудзях, вага робата складае 100 кілаграмаў. Ён будзе патруляваць турыстычныя месцы і гандлёвыя цэнтры. Робат можа адказваць на пытанні, выдаваць патрэбную інфармацыю і даваць жыхарам магчымасць з дапамогай свайго тэрмінала праводзіць аплату паслуг паліцыі — напрыклад, прымаць аплату паркоўкі або штраф. Яшчэ ён умее аддаваць чэсць і ціснуць руку і бярэ на сябе папяровую працу.

Робат размаўляе на дзевяці мовах. Грамадзяне змогуць таксама паведамляць робату аб здзейсненых злачынствах, але расследаваннем будуць займацца жывыя людзі. RЕЕM умее распазнаваць твар, але дакладнасць распазнавання складае толькі 80%. Відэа з камер адразу перадаецца для аналізу ў камандны цэнтр. У дубайскай паліцыі расказалі, што ўжо працуюць над наступнай версіяй робата, які будзе выконваць усе функцыі сапраўднага паліцэйскага. Тым не менш насіць зброю яму не давераць. Гэтак жа ў горадзе павінен з'явіцца першы паліцэйскі ўчастак, у якім будуць служыць толькі робаты.

Адказны за падраздзяленне робатаў брыгадны генерал Абдула бін Султан заявіў у інтэрв'ю: «Мы збіраемся прыняць на паліцэйскую службу больш робатаў. Да 2030-га яны будуць складаць 25% штату паліцыі. Сістэма бяспекі, якую мы збіраемся ўкараніць у горадзе, зможа ў будучыні спыняць злачынствы. Да 2025 года Дубай увойдзе ў пяцёрку самых бяспечных гарадоў свету».

Іван КУПАРВАС

hvir@zviazda.by

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.