Летняя нарыхтоўка закрутак можа абярнуцца сур'ёзнымі праблемамі. Прычым справа далёка не заўсёды крыецца ў саміх дарах прыроды. Днямі жыхарка сталічнай вуліцы Шышкіна ледзь не загінула з-за... варэння. Позна вечарам да ратавальнікаў паступіла паведамленне аб задымленні ў яе кватэры. Калі да месца выкліку прыбылі падраздзяленні МНС, па знешніх прыкметах нічога незвычайнага не назіралася.
Як паведамляюць у прэс-службе ведамства, падчас выcвятлення абставін было ўстаноўлена, што ў кватэры на трэцім паверсе дома адбылося загаранне ежы. На электрычнай пліце без увагі было пакінута варэнне. Работнікамі МНС была выратавана неабачлівая гаспадыня — яна знаходзілася на канапе ў жылым пакоі, была ў прытомнасці, але самастойна ўстаць не магла. Пасля агляду жанчыны брыгадай хуткай медыцынскай дапамогі шпіталізацыя не патрабавалася. Пажар лакалізавалі і ліквідавалі ратавальнікі. Ім пашкоджана (закурана) кухня ў кватэры.
Яраслаў ЛЫСКАВЕЦ
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.