Ідэя зрабіць Wі-Fі на чыгуначных вакзалах нарэшце не пакінула ў баку і прадстаўнікоў Беларускай чыгункі. Плануецца, што з 25 ліпеня ўсе вакзалы краіны павінны афіцыйна пагрузіцца ў лічбавую нірвану.
Нагадаем, што Беларуская чыгунка сумесна з СТАА «Мабільныя ТэлеСістэмы» з 10 ліпеня ў тэставым рэжыме арганізавала бясплатны доступ да інтэрнэту па тэхналогіі Wі-Fі на чыгуначных вакзалах. Хот-споты (тыя самыя месцы, дзе магчыма зайсці ў сеціва) сеткі Wі-Fі з'явіліся ў залах чакання і холах на чыгуначных вакзалах у Мінску, Оршы, Маладзечне, Барысаве, Баранавічах, Лідзе, Гродне, Лунінцы, Пінску, Гомелі, Жлобіне, Калінкавічах, Магілёве, Асіповічах, Бабруйску, Крычаве, Віцебску і Полацку. І там усё сур'ёзна — хуткасны доступ у сеціва забяспечваецца пры дапамозе тэхналогіі 4G і аптычных каналаў сувязі.
Ілья КРЫЖЭВІЧ
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?