Спікер верхняй палаты беларускага парламента Міхаіл МЯСНІКОВІЧ прыняў Надзвычайнага і Паўнамоцнага Пасла Рэспублікі Беларусь у Рэспубліцы Балгарыя, Грэчаскай Рэспубліцы і Рэспубліцы Кіпр (па сумяшчальніцтве) Уладзіміра ВАРАНКОВІЧА. У сустрэчы таксама ўзяў удзел старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей РАХМАНАЎ.
На сустрэчы абмяркоўваліся стан і далейшае развіццё двухбаковага супрацоўніцтва Беларусі і Балгарыі, уключаючы гандлёва-эканамічныя пытанні і міжпарламенцкае ўзаемадзеянне. Уладзімір Варанковіч праінфармаваў аб парадку дня пасяджэння Беларуска-Балгарскай Міжурадавай камісіі па гандлёва-эканамічным і навукова-тэхнічным супрацоўніцтве, якое праходзіць у Мінску.
Міхаіл Мясніковіч зрабіў акцэнт на неабходнасці паглыблення эканамічнага супрацоўніцтва, пашырэння рэгіянальных сувязяў і актывізацыі парламенцкага дыялогу паміж нашымі краінамі. У ходзе размовы была закранута таксама праблематыка адносін нашай краіны з Грэчаскай Рэспублікай і Рэспублікай Кіпр.
Вераніка ПУСТАВІТ
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?