Вы тут

Дэлегацыю Беларусі на саміце «Усходняга партнёрства» ўзначаліць Макей


Дэлегацыю нашай дзяржавы на саміце «Усходняга партнёрства» ў Бруселі (24 лістапада) узначаліць міністр замежных спраў Уладзімір МАКЕЙ. Пра гэта паведаміў намеснік начальніка ўпраўлення інфармацыі МЗС Андрэй Шупляк, адказваючы на пытанне карэспандэнта БЕЛТА.


«Беларускім бокам з удзячнасцю ўспрынята запрашэнне наведаць саміт на ўзроўні кіраўніка дзяржавы, — сказаў Андрэй Шупляк, — што адлюстроўвае прагрэс у адносінах Беларусі з ЕС і пераход, пасля доўгага перыяду рознагалоссяў, у новы стан узаемадзеяння з ЕС як вельмі важным суседам, партнёрам па рашэнні пытанняў міжнароднай бяспекі ў еўрапейскім рэгіёне і па пашырэнні гандлёвага і інвестыцыйнага ўзаемадзеяння краін ЕС з Беларуссю».

У дыпламатычнай практыцы, адзначыў прадстаўнік знешнепалітычнага ведамства, візіт на найвышэйшым узроўні, як правіла, з'яўляецца кульмінацыяй узаемных намаганняў бакоў па развіцці супрацоўніцтва.

Беларусь зацікаўленая ў працягу ўдзелу ва «Усходнім партнёрстве» ЕС. Ён павінен стаць відавочна карысным для грамадзян Беларусі і ЕС, палегчыўшы ўмовы вядзення бізнесу, кантакты паміж людзьмі, сувязі ў розных сферах, падвысіўшы ўзровень аб'ектыўных ведаў адно пра аднаго.

Надзея ЮШКЕВІЧ

yushkevich@zviazda.by

Фота БЕЛТА

Загаловак у газеце: Новы стан партнёрства

Выбар рэдакцыі

Грамадства

Як уцягнуць у абарачэнне землі, вызваленыя з-пад інвазійных раслін?

Як уцягнуць у абарачэнне землі, вызваленыя з-пад інвазійных раслін?

Гэта паказалі на прыкладзе Мінскага і Валожынскага раёнаў.

Грамадства

Мужчыны расказваюць пра сваё жыццё ў дэкрэце

Мужчыны расказваюць пра сваё жыццё ў дэкрэце

На сямейным фестывалі «ТатаPro» таты, якія вырашылі пайсці ў дэкрэтны адпачынак або раздзяліць яго з жонкай, падзяліліся сваімі гісторыямі і расказалі пра тонкасці дэкрэта.

Грамадства

​Як беларускія вучоныя ствараюць умовы для спартыўных перамог

​Як беларускія вучоныя ствараюць умовы для спартыўных перамог

Спартыўныя дасягненні чалавека прыблізна на 75 % залежаць ад яго генетыкі.