Вы тут

Грузінская дэлегацыя сустрэлася са спікерамі беларускага парламента


У гэтыя дні нашу краіну з афіцыйным візітам наведвае дэлегацыя з Грузіі. Яе ўзначаліў Іраклій Кабахідзэ, старшыня парламента гэтай краіны, які паспеў за адзін дзень правесці сустрэчы як з кіраўніком дзяржавы, так і са спікерамі абедзвюх палат беларускага парламента.


Па выніках перагавораў Міхаіл МЯСНІКОВІЧ, старшыня Савета Рэспублікі Нацыянальнага сходу, заявіў, што важнай тэмай для абмеркавання застаецца роля парламенцкага вымярэння ва ўмацаванні двухбаковых і шматбаковых кантактаў. Беларускі спікер звярнуў увагу на пазітыўную дынаміку двухбаковых гандлёва-эканамічных адносін: наш тавараабарот за 2016 год вырас у 1,6 раза, а беларускі экспарт павялічыўся ў 2,5 раза. Станоўчая дынаміка назіраецца і ў гэтым годзе. Пры гэтым гутарка ідзе не толькі пра таварнае супрацоўніцтва, але і пра стварэнне бізнес-цэнтраў для арганізацыі работы кампаній, якія будуць валодаць сумеснай кампетэнцыяй і зацікаўленасцю.

Таксама Міхаіл Мясніковіч адзначыў, што нашы краіны плённа працуюць у рамках ініцыятывы "Усходняе партнёрства" і ў межах Парламенцкай асамблеі Чарнаморскага эканамічнага супрацоўніцтва. У сваю чаргу Іраклій Кабахідзэ выказаў спадзяванне, што ўзаемадзеянне паміж беларускімі і грузінскімі заканадаўчымі органамі выйдзе на новы ўзровень. Замежны госць заявіў аб падпісанні з Нацыянальным сходам Беларусі сумеснай заявы, якая мусіць паспрыяць далейшаму развіццю супрацоўніцтва паміж нашымі парламентамі, і краінамі ў цэлым.

Старшыня Палаты прадстаўнікоў Нацыянальнага сходу Уладзімір АНДРЭЙЧАНКА на сустрэчы з грузінскай дэлегацыяй адзначыў, што гэта "першы парламенцкі візіт такога ўзроўню ў гісторыі адносін паміж нашымі дзяржавамі". Ён расказаў Кабахідзэ, што ў Беларусі сочаць за навінамі з яго радзімы і ставяцца да грузінаў вельмі добра. Сяброўскія адносіны паміж народамі пацвердзіў і суразмоўнік.

Уладзімір Андрэйчанка сказаў, што на сённяшнім этапе супрацоўніцтва надышоў час рэалізаваць буйныя сумесныя праекты. Адзін з іх ужо намячаецца — зборка ліфтаў. Акрамя таго, старшыня Палаты прадстаўнікоў звярнуў увагу, што групы сяброўства Беларусі і Грузіі маглі б заняцца не толькі візітамі, але і зрабіць "дарожную карту" для развіцця двухбаковых адносін і супрацоўніцтва на міжнароднай арэне.

Вераніка ПУСТАВІТ

Надзея АНІСОВІЧ

Выбар рэдакцыі

Грамадства

Ежа ці сімвал? Самы час зацікавіцца роспісам яек

Ежа ці сімвал? Самы час зацікавіцца роспісам яек

Карэспандэнт «Звязды» схадзіла на майстар-клас па стварэнні «пісанак».

Культура

Карэспандэнты «Звязды» пабывалі на начных здымках нацыянальнага кінапраекта

Карэспандэнты «Звязды» пабывалі на начных здымках нацыянальнага кінапраекта

Гісторыка-прыгодніцкая стужка пра Беларусь, беларуса-ваяра і беларуса-вучонага.

Спорт

Тры медалі ў беларусаў на этапе Кубка свету па скачках на батуце

Тры медалі ў беларусаў на этапе Кубка свету па скачках на батуце

Больш за 150 спарт­сме­наў з 36 кра­ін све­ту — гэта са­мыя моц­ныя ба­ту­тыс­ты су­час­нас­ці.