Вы тут

Пяты Форум рэгіёнаў Беларусі і Расіі сёлета адбудзецца ў Магілёве


Пяты, юбілейны, Форум рэгіёнаў Беларусі і Расіі сёлета адбудзецца ў Магілёве. Чаму менавіта Магілёў? Па словах Міхаіла МЯСНІКОВІЧА, старшыні Савета Рэспублікі Нацыянальнага сходу Беларусі, гэта была ініцыятыва саміх магіляўчан, бо ім ёсць што паказаць. Акрамя таго, Магілёўская вобласць мяжуе са Смаленскай і Бранскай расійскімі абласцямі, супрацоўнічае з 24 рэгіёнамі Расіі. Удзельная вага экспарту гэтага рэгіёна ў Расію ў 2016-м склала 73 %!


V Форум рэгіёнаў Беларусі і Расіі, які пройдзе 26—28 верасня, закране не толькі абласны цэнтр, але і ўсю вобласць. Гасцей прымуць, напрыклад, Горкі і Шклоў. Плануецца правесці цэлую серыю мерапрыемстваў, у якіх возьмуць удзел рэгіёны не толькі на ўзроўні абласцей, але і раёнаў, гарадоў.

На палях Форуму таксама будзе працаваць Савет дзелавога супрацоўніцтва, у якім возьмуць удзел кіраўнікі ці прадстаўнікі ключавых прадпрыемстваў, што маюць зацікаўленасць у паглыбленні эканамічнага ўзаемадзеяння з Расіяй у сферах прамысловай, сельскагаспадарчай кааперацыі, рэалізацыі адукацыйных праектаў.

Да таго ж пройдзе серыя маладзёжных, спартыўных, культурных мерапрыемстваў.

Плануецца, што гаспадарчыя суб'екты і рэгіёны заключаць на форуме новыя камерцыйныя кантракты і пагадненні. Падчас мінулых форумаў удзельнікі падпісвалі кантракты ў сярэднім на $250—300 мільёнаў. Чакаецца, што сёлета лічба вырасце да $400 мільёнаў.

Спікер верхняй палаты парламента таксама лічыць, што парламенцкае вымярэнне адыгрывае значную ролю ва ўніфікацыі і гарманізацыі заканадаўства нашых краін. І перш за ўсё гэта датычыцца прыняцця новых нарматыўных прававых актаў. Па-новаму павінны загучаць пытанні стварэння роўных умоў для суб'ектаў гаспадарання, забеспячэння роўных правоў грамадзян. Мяркуецца, што будуць агучаны прапановы, якія могуць быць разгледжаны як дапаўненні і змяненні ў дагавор аб стварэнні Саюзнай дзяржавы.

Па словах парламентарыя, важна, каб ідэі не толькі ляглі на паперу, але і былі ўзгоднены са структурамі Расіі. У гэтай справе спатрэбяцца дапамога і ўдзел Пастаяннага камітэта Саюзнай дзяржавы. Да гэтай работы і рэалізацыі пэўных праектаў мэтазгодна было б прыцягнуць і Еўразійскую эканамічную камісію, лічыць Міхаіл Мясніковіч.

Вераніка ПУСТАВІТ

pustavіt@zvіazda.by

Загаловак у газеце: Калі ёсць што паказаць

Дадаць каментар

Выбар рэдакцыі

Грамадства

Свята каравая прайшло на Гродзеншчыне

Свята каравая прайшло на Гродзеншчыне

На фестывалі згадалі і даўнюю традыцыю — услаўляць завяршэнне земляробчага года абрадамі ў гонар Багача. 

Грамадства

Як у Слаўгарадскім раёне апякуюць пенсіянераў

Як у Слаўгарадскім раёне апякуюць пенсіянераў

Дом у Лапацічах нічым асабліва не выдзяляецца сярод іншых...

Палітыка

Аб чым дамовіліся прэзідэнты Беларусі і Азербайджана?

Аб чым дамовіліся прэзідэнты Беларусі і Азербайджана?

Па выніках перамоў у Мінску яны прынялі сумесную заяву.

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.