26 Верасень, серада

Вы тут

Прэзідэнт прыняў кіраўніка МЗС


Цэнтральны апарат Міністэрства замежных спраў скарацілі прыкладна на трэць, замежныя ўстановы — на 15 %. Таксама Беларусь плануе закрыць генконсульствы ў Адэсе, Гданьску і Мілане. Пры гэтым больш увагі цяпер будуць надаваць рабоце ў тых краінах, якія прыносяць найбольшую аддачу. Учора тэмы аптымізацыі ў МЗС і развіццё знешнеэканамічнай дзейнасці, у тым ліку адносін з Еўрапейскім саюзам, абмяркоўваліся падчас сустрэчы Прэзідэнта Беларусі Аляксандра Лукашэнкі з кіраўніком ведамства Уладзімірам Макеем.


— Я думаю, што вы хацелі абмеркаваць са мной пытанні аптымізацыі МЗС, калі там ёсць нейкія недамоўленасці, нестыкоўкі, няўзгодненасці. Я гатовы да таго, каб мы канчаткова маглі прыняць рашэнні, калі ёсць пытанні, — сказаў кіраўнік дзяржавы. — Больш за ўсё мяне цікавяць праблемы знешнеэканамічнай дзейнасці. Я знаёмы з вынікамі, але мяркую, у вас ёсць больш дакладная інфармацыя.

Прэзідэнт таксама пацікавіўся перспектывамі ў плане дыверсіфікацыі знешняга гандлю і дзейнасці нашых пасольстваў.

Уладзімір Макей, у сваю чаргу, адзначыў, што ў развіцці знешнеэканамічнай дзейнасці па выніках 2017 года назіраюцца станоўчыя тэндэнцыі.

— Адбыўся рост экспарту на 23%. Прычым на дзве трэці так склалася за кошт росту цэн, але на адну трэць — за кошт фізічнага росту экспарту. Таму ў цэлым гэта можна лічыць станоўчай тэндэнцыяй, — адзначыў міністр.

Вераніка ПУСТАВІТ

pustavіt@zvіazda.by

Загаловак у газеце: Дыпламатычная аптымізацыя

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Шчырая размова з вядомым педагогам пра бацькоўскія сумненні і страхі

Шчырая размова з вядомым педагогам пра бацькоўскія сумненні і страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.