Жаночая індывідуальная гонка па біятлоне на зімовых Алімпійскіх гульнях у паўднёвакарэйскім Пхёнчхане перанесена на чацвер. Пра гэта паведамляе прэс-служба Міжнароднага саюза біятланістаў.
Прычынай такога рашэння называецца моцны вецер, яго парывы дасягаюць 15 м/с. Жаночая індывідуальная гонка, якая павінна была пачацца ў сераду ў 14:05, зараз адбудзецца ў чацвер, пачатак - у 11:15 па мінскім часе. Мужчынская гонка таксама запланавана на чацвер, пачатак - у 14:20 па мінскім часе.
Спаборніцтвы па біятлоне на Алімпіядзе завершацца 23 лютага. Таксама на Гульнях пройдуць жаночая і мужчынская гонкі з агульнага старту (17 і 18 лютага адпаведна), змяшаная (20 лютага), жаночая (22 лютага) і мужчынская (23 лютага) эстафеты.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
