Вы тут

«Лібералізаваны» бізнес можа атрымаць новую падатковую нагрузку


Міністэрства фінансаў парэкамендавала падняць стаўку адзінага падатку для малога прадпрымальніцтва на 7,4 %. У інспекцыі МПЗ па Мінску абгрунтавалі гэта вынікамі нядаўняй праверкі даходаў плацельшчыкаў адзінага падатку ў рознічным гандлі для насельніцтва за мінулыя два гады. Па іх замеры выручка некаторых прадпрымальнікаў вырасла ад 25 % да 55 % у параўнанні з 2016 годам. Канчатковае рашэнне аб магчымым павышэнні адбудзецца толькі пасля грамадскіх абмеркаванняў. Але ўжо сёння вядома, што Мінск і некаторыя абласныя цэнтры падтрымліваюць ініцыятыву. Пазіцыя бізнесу па гэтым пытанні застаецца, мякка кажучы, неадназначнай.


Мінск будзе прытрымлівацца рэкамендацый

Сёння адзіны падатак выплачваюць індывідуальныя прадпрымальнікі і фізічныя асобы, якія займаюцца некаторымі відамі прадпрымальніцкай дзейнасці. Зараз складана сказаць, што стаўка адзінага падатку вырасце ва ўсіх абласцях краіны. Эксперты і парламентарыі працягваюць працаваць над новай рэдакцыяй Падатковага кодэкса.

Аднак вядома, што ў Мінску ўжо разлічваюць дадаткова атрымаць ад павышэння стаўкі 1,8 мільёна рублёў. У горадзе збіраюцца прытрымлівацца рэкамендацый Мінфіна.

Такім чынам, у сталіцы рэпетытарам прыйдзецца плаціць на два рублі больш або 36 рублёў. Таксістам — да 171 рубля ў месяц, самазанятым праграмістам — да 124 рублёў (+8 рублёў). Прадпрымальнікі, якія займаюцца рамонтам і тэхабслугоўваннем машын, заплацяць 215 рублёў (+14 рублёў).

У Віцебскай вобласці могуць павысіць

Але гэта пакуль недакладна. Чакаецца, што індэксацыя ставак адзінага падатку з індывідуальных прадпрымальнікаў і іншых фізічных асоб дазволіць дадаткова прыцягнуць у 2018 годзе ў мясцовы бюджэт 0,6 мільёна рублёў.

Таксісты з аўто, якое разлічана на шэсць пасажыраў, заплацяць 182 рублі. Калі салон большы — 218 рублёў. Прадаўцы аўто з новай стаўкай будуць плаціць да 417 рублёў.

Беларусы, чый бізнес не патрабуе рэгістрацыі, таксама будуць плаціць больш. Напрыклад, самазанятыя фатографы — 126 рублёў, распрацоўшчыкі сайтаў — 97 рублёў.

А што ў Гомелі?

Там аблвыканкам ужо прапанаваў павысіць стаўку адзінага падатку па рэкамендацыі. Аднак ёсць і адрозненні: у асобныя графы вынесеныя стаўкі для Гомеля, Мазыра, Рэчыцы, Светлагорска, Жлобіна. Напрыклад, вядома, што прадаўцы аўто ў Гомелі будуць плаціць адзіны падатак у памеры 363 рублі, а ў іншых населеных пунктах — 245 рублёў. Салоны прыгажосці, якія не наймаюць персанал, у Гомелі заплацяць 97 рублёў, у Мазыры, Жлобіне, Рэчыцы і Светлагорску — 86 рублёў, а ў астатніх населеных пунктах вобласці — 54 рублі. Гомельскія таксісты з аўто, якое ўмяшчае чатырох пасажыраў, заплацяць 140 рублёў, а ў іншых населеных пунктах 78 рублёў. Праграмісты ў абласным цэнтры будуць плаціць па стаўцы 124 рублі, а ў рэгіёнах — ад 113 рублёў.

Будуць адстойваць сваю пазіцыю

Магчыма, што падатковыя змены закрануць і астатнія вобласці. Праца над дакументам не завершана. Новая рэдакцыя павінна з'явіцца да 1 верасня гэтага года. Пры гэтым бізнесмены абмяркоўваюць навацыі ў фіскальнай сістэме. Аднак далёка не ўсе падзяляюць жаданне дзяржавы павысіць адзіны падатак. Сустаршыня Рэспубліканскай канфедэрацыі прадпрымальніцтва Віктар Маргелаў лічыць, што сітуацыя ў малога бізнесу лепшай за гэты год не стала. «Нягледзячы на ўзровень інфляцыі, які за мінулы год склаў 4,6 %, у Мінску спрабуюць павялічыць стаўку адзінага падатку на 7,4 %. У той жа час адбыўся імклівы рост буйных гандлёвых сетак, а доля і выручка прадпрымальнікаў, якія працуюць у гандлі, — зменшыліся. Было б справядліва не павышаць падатак», — адзначыў Віктар Маргелаў.

Пры гэтым ёсць і пэўная катэгорыя прадпрымальнікаў, у якіх выручка вырасла. Для іх, у выпадку, калі ўлады ўсё ж вырашаць падняць падатак, на думку прадстаўніка канфедэрацыі, было б разумна павышаць стаўку адзінага падатку на памер не вышэйшым за ўзровень інфляцыі.

«Калі падатак робяць большым за ўзровень інфляцыі, то гэта пагаршае ўмовы працы для малых прадпрымальнікаў у параўнанні з буйнымі», — дадаў Віктар Маргелаў.

Прадстаўнікі малога і сярэдняга бізнесу працягнуць абмяркоўваць гэтае пытанне і адстойваць сваю пазіцыю.

Ілья КРЫЖЭВІЧ

Загаловак у газеце: Адзіны падатковы... Бар'ер?

Выбар рэдакцыі

Грамадства

Як сучасныя палешукі рыхтуюцца да свята Уваскрэсення Хрыстовага

Як сучасныя палешукі рыхтуюцца да свята Уваскрэсення Хрыстовага

Аўтар «Звязды» расказвае на прыкладзе сваёй сям'і.

Культура

ЗЕНА: Ад сцэны не стамляюся!

ЗЕНА: Ад сцэны не стамляюся!

Графік у артысткі вельмі насычаны.

Грамадства

Звыклыя выключнасці. Ці можна зразумець «лічбавае племя»?

Звыклыя выключнасці. Ці можна зразумець «лічбавае племя»?

Даследаванне «Пакаленне «Z» у пытаннях і адказах» было прадстаўлена падчас навуковага стэндапа, арганізаванага для навучэнцаў профільных педагагічных класаў у БДПУ.

Грамадства

Ежа ці сімвал? Самы час зацікавіцца роспісам яек

Ежа ці сімвал? Самы час зацікавіцца роспісам яек

Карэспандэнт «Звязды» схадзіла на майстар-клас па стварэнні «пісанак».