25 красавіка, серада

Вы тут

Раім схадзіць


Лекцыя пра Біблію Скарыны, канцэрт групы «Без Білета», выставы «Тэатр. Inside» і «Вясна, кветкі і пацалункі або вясновая ліхаманка» — афіша «Звязды» з 2 па 8 красавіка.


Лекцыя «Біблія Скарыны: паспяховы стартап XVI стагоддзя»

Фота рhotosight.ru.

Дзе: бізнес-клуб IMAGURU (вул. Фабрыцыуса, 4)

Калі: 4 красавіка, 19:00

Колькі каштуе: бясплатна, неабходна рэгістрацыя

Гідам для аматараў літаратуры на гэты раз стане культуролаг, скарыназнаўца, намеснiк дырэктара Нацыянальнай бiблiятэкi па навуковай працы i выдавецкай дзейнасцi Алесь Суша. Гаворка пойдзе пра Біблію Скарыны як самы паспяховы стартап XVI стагоддзя. 

Лекцыя праводзіцца ў рамках праекту «БелЛіт: мабільны гід» пры падтрымцы мабільнай бібліятэкі МТС.


Канцэрт групы «Без Білета»

Дзе: Prime Hall (пр-т Пераможцаў, 65)

Калі: 6 красавіка, 19:00

Колькі каштуе: ад 40 р.

6 красавіка на сцэне Prime Hall група прэзентуе свой новы альбом «Маяк». У яго ўвайшлі 10 песень, напісаныя летам 2017 года ў «творчай лабараторыі» «Без Білета». У пошуках новых рашэнняў музыканты пасяліліся ў загараднай хаце ля возера, цалкам прысвяціўшы сябе творчасці.


Выстава «Беларускі буквар: 400 гадоў гісторыі»

Дзе: музей кнігі Нацыянальнай бібліятэкі Беларусі (пр-т Незалежнасці, 116)

Калі: па 20 красавіка, 10:00-19:00

Колькі каштуе: па чытацкім білеце Нацыянальнай бібліятэкі Беларусі — бясплатна, па пропуску разавага наведвання — 1 р.

На выставе дэманструюцца знакамітыя буквары і азбукі XVI–ХХІ стагоддзяў: розныя па складзе, графіцы, мастацкім аздабленні, педагагічных прыёмах навучання чытанню і пісьму.

Сярод экспанатаў прадстаўлены адны з самых старажытных айчынных кніг для навучання. Сярод іх — і знакамітыя буквары з праваслаўных манастыроў, і малавядомыя выданні для ўніятаў і старавераў. 

Асаблівую цікавасць прадстаўляюць беларускія падручнікі для навучання чытанню пачатку ХХ стагоддзя: беларускія лемантары і чытанкі Каруся Каганца, Цёткі (Алаізы Пашкевіч), Якуба Коласа, Вацлава Ластоўскага, Янкі Станкевіча, Леанілы Гарэцкай і інш. Шмат нечаканага кожны наведвальнік можа знайсці ў беларускіх савецкіх букварах перыяду ліквідацыі непісьменнасці, у заходнебеларускіх букварах, выданнях беларускай дыяспары за мяжой.


Выстава «Тэатр. Inside»

Фота nemiga.info.

Дзе: галерэя «Універсітэт культуры» (пл. Кастрычніцкая, 1)

Калі: па 15 красавіка, 10:00-20:00

Колькі каштуе: удакладняць у касе

У экспазіцыі, прымеркаванай да Міжнароднага дня тэатра, які адзначаецца 27 сакавіка, прадстаўлены эскізы касцюмаў і дэкарацый, сцэнічныя ўборы, афішы і постэры, тэатральная бутафорыя і фатаграфіі.

Гледачы ўбачаць серыю эскізаў і касцюмаў да опер «Аіда» і «Набука» Джузэпе Вердзі, балетаў «Каханне і Смерць» Полада Бюльбюль аглы і «Санеты» на музыку Піцера Уорлака і Ральфа Воана-Уільямса і інш.

У асобнай зале будзе прадстаўлена яркая візуальная інфармацыя пра спектаклі Вялікага тэатра Беларусі, якія былі ўдастоены высокіх дзяржаўных узнагарод: оперы «Сівая легенда» Дзмітрыя Смольскага і «Царская нявеста» Мікалая Рымскага-Корсакава, балеты «Вітаўт» Вячаслава Кузняцова і «Маленькі прынц» Яўгена Глебава.


Выстава «Вясна, кветкі і пацалункі або вясновая ліхаманка»

Дзе: НЦСМ на Някрасава (вул. Някрасава, 3)

Калі: па 21 красавіка

Колькі каштуе: 3 р., школьнікі, студэнты дзённай формы навучання і члены творчых саюзаў (пры прад'яўленні пасведчання) — 2 р., пенсіянеры і дзеці да 5 гадоў — бясплатна

Якая ж вясна без рамантычных пачуццяў, спатканняў і пацалункаў? Менавіта ўвесну здараюцца самыя яркія і незабыўныя сустрэчы, адраджаюцца пачуцці. Каму, як ні мастаку, роўна як і паэту, музыканту, рэжысёру, харэографу, выразнымі сродкамі мастацтва дадзена перадаць невымоўнае.

Прадстаўленыя на выставе аўтары, сярод якіх Васіль Касцючэнка, Уладзімір Кожух, Аляксандр Ксяндзоў, Руслан Вашкевіч, Антаніна Слабодчыкава, Ганна Сілівончык, у сваёй творчасці даследуюць гэтую вобласць.

Дадаць каментар

Выбар рэдакцыі

Спорт

Штотыднёвы спартыўны агляд «Звязды»

Штотыднёвы спартыўны агляд «Звязды»

Расказваем пра перамогу нашых тэнісістак над Славакіяй у плэй-оф Кубка Федэрацыі, чарговы поспех беларускага баксёра на міжнародным рынгу.

Эканоміка

Якія змены на другасным рынку жылля

Якія змены на другасным рынку жылля

Пачатак года на рынку жылля выступае перыядам «разварушвання» для пакупнікоў. 

Грамадства

Вучэнні ў Печах у асобах

Вучэнні ў Печах у асобах

У Печах прайшлі провады ваеннабавязаных.