22 Верасень, субота

Вы тут

Няшчасныя выпадкі на вытворчасці будуць расследаваць па-новаму


Пра гэта паведаміў першы намеснік дырэктара дэпартамента дзяржаўнай інспекцыі працы Міністэрства працы і сацыяльнай абароны Аляксандр СЕМІЧ. «Была вывучана практыка расследаванняў за апошнія гады, разгляд іх у судах. Мэта змен — зрабіць нормы больш зразумелымі, выключыць іх дваякае тлумачэнне», — адзначыў ён.


Па новых правілах (яны ўступілі ў сілу з 20 красавіка) сам пацярпелы можа ўдзельнічаць у расследаванні. Калі гэта няшчасны выпадак са смяротным зыходам, то такое права маюць жонка ці муж загінулага (-ай). Яны могуць знаёміцца з матэрыяламі справы, атрымліваць іх копіі.

Калі работнік атрымаў траўму на тэрыторыі заказчыка, то правесці расследаванне абавязаны не толькі наймальнік, як было раней, але і тая арганізацыя, дзе адбыўся няшчасны выпадак. Скараціўся тэрмін для абскарджання заключэння дзяржаўнага інспектара працы дэпартамента ў пазасудовым парадку — з трох гадоў да аднаго. «Лічым, што гэтага перыяду дастаткова. Па статыстыцы, 71 працэнт абскарджанняў адбываецца на працягу года», — растлумачыў Аляксандр Семіч.

Устанаўліваць прафесійны характар хранічных захворванняў будуць толькі спецыялісты медыка-экспертнай камісіі. Яе склад зацвярджае Міністэрства аховы здароўя.

Наталля ЛУБНЕЎСКАЯ

Загаловак у газеце: Каб работа не шкодзіла здароўю

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.