Казімір Сваяк (24.02.1890 — 06.05.1926) — выдатны беларускі паэт, пісьменнік, драматург, каталіцкі святар, грамадска-нацыянальны дзеяч. Скончыў Пецярбургскую духоўную семінарыю. Друкаваўся ў газеце «Беларус». Выдаў у 1924 годзе ў Вільні адзіны зборнік вершаў «Мая Ліра». Змагаўся за беларусізацыю касцёла, адным з першых каталіцкіх святароў стаў весці службу на роднай мове. Сябраваў з вядомымі асобамі свайго часу, у тым ліку з ксяндзом Я. Германовічам (Вінцуком Адважным), мастаком і пісьменнікам Я. Драздовічам, ксяндзом і пісьменнікам А. Станкевічам.
Паэта Казіміра Сваяка натхнялі не толькі рэлігійныя сюжэты, але і хараство прыроды і краса зямных жанчын...
Падчас візіту ў Ватыкан пры размове з Папам Рымскім літаратуразнаўца, прафесар Адам Мальдзіс унёс прапанову прылічыць Канстанціна Стаповіча (Казіміра Сваяка) да ліку блаславёных.
Не чаруй
Не чаруй мяне ты зорам,
Не чаруй красой;
Не чаруй сваім ты горам,
Не чаруй слязой.
Не чаруй ядвабнай коскай,
Ні вусноў агнём...
Не чаруй усмешкай боскай,
Ні святым жыццём.
Прыпеў (2 разы):
Не чаруй, красуня, не чаруй,
Не чаруй мяне ты, не чаруй.
Не чаруй мяне ты зорам,
Не чаруй красой;
Не чаруй сваім ты горам,
Не чаруй слязой.
Не чаруй дзявочым станам,
Не чаруй грудзьмі...
Каб не быў я пакараны
Богам і людзьмі.
Рубрыку вядзе Яўген Ксяневіч
evgenyksenevіch@gmaіl.com
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?