Мая каханая

Эдуард Акулін (нарадзіўся 07.01.1963) — беларускі паэт, перакладчык, бард. У розныя гады працаваў у рэдакцыях вядомых літаратурных выданняў, сёння — галоўны рэдактар літартурна-мастацкага часопіса «Верасень». Аўтар зборнікаў паэзіі, у тым ліку «Лес дзённага асвятлення», «Пяшчота ліўня», «Крыло анёла», «Радно», «Непрычалены човен», «Вітражы», «Малітва воч», «Святая ноч». Лаўрэат міжнародных літаратурных прэмій Міколы Ганька, Срэбнае лятучае пяро.

Верш «Каханая» — шырока вядомая газель Эдуарда Акуліна. Па ўласным прызнанні аўтара — паэта і барда — нельга нават было ўявіць, што з яе можа атрымацца песня.

Куплет 1:

Дзе б я ні быў, вяртаюся хутчэй

Туды, дзе мне павек адданая.

У слоту лістападаўскіх начэй

Са мной яна і восень непадманная.

Прыпеў:

Галінка бэзу, траўнем надламаная,

Ты лёсам мне павек наканаваная,

Мая каханая, каханая, каханая,

Мая каханая, павек адданая.

Куплет 2:

Над безданню даверлівых вачэй

Мая маркота ў белы строй прыбраная,

І рэха вечаровае званчэй,

Калі шапчу да зорак апантана я.

Куплет 3:

І смехам тваім поўніцца ручэй,

Як ад мяне за далеч ты схаваная,

Лісцёвы водсвет ззяе залацей

Пад раніцу, што разам прычаканая.

Яўген КСЯНЕВІЧ