26 Верасень, серада

Вы тут

На «Белагра-2018» прадставяць самаробныя трактары


Сельская гаспадарка становіцца адным з драйвераў эканомікі ЕАЭС і краін постсавецкай прасторы. Пра гэта паведаміў начальнік галоўнага ўпраўлення знешнеэканамічнай дзейнасці Мінсельгасхарча Аляксей Багданаў падчас прэс-канферэнцыі, прысвечанай арганізацыі выстаўкі «Белагра-2018». Паводле яго слоў, перыяд стагнацыі на рынках сельскай гаспадаркі СНД і ЕАЭС паступова заканчваецца.


Аляксей Багданаў адзначыў, што сёння ў развіццё сельскай гаспадаркі ўкладваюцца вялікія рэсурсы, а тэхналогіі, якія прапануе наша дзяржава, і дасягненні аграрнай навукі запатрабаваныя на міжнародным рынку.

«Мы ўскладаем вялікія надзеі на выстаўку «Белагра-2018». Чакаем наплыў наведвальнікаў з краін ЕАЭС, СНД. Традыцыйна выстаўка прыносіць добрыя дывідэнды для Беларусі. Мы знойдзем новыя шляхі для нарошчвання аб'ёмаў экспарту сельгаспрадукцыі, беларускіх тэхналогій», — адзначыў кіраўнік упраўлення.

Таксама ён расказаў, што за мінулы год тавары беларускай мясной і малочнай прадукцыі ў сукупнасці былі экспартаваныя ў 70 краін свету. «Накіраванасць нашай эканомікі на дыверсіфікацыю экспарту працуе і будзе прасоўвацца. У першым квартале сёлета мы нарасцілі экспарт тавараў у краіны за выключэннем Расіі на 34 % больш да ўзроўню мінулага года. Мы спадзяёмся, што выстаўка паспрыяе росту аб'ёмаў паставак», — паведаміў Аляксей Багданаў.

Вядучы форум аграрыяў «Белагра-2018» пройдзе ў аграгарадку Шчомысліца, недалёка ад сталіцы, з 5 па 10 чэрвеня. Чакаецца што сёлета на форум прыедуць 536 кампаній з 28 краін свету (летась іх было 507 з 25 краін).

Як паведаміў намеснік генеральнага дырэктара кампаніі «Мінскэкспа», дырэктар выстаўкі «Белагра-2018» Аляксандр Макаўчык, на мерапрыемстве будуць прадстаўлены тэхніка, тэхналогіі і абсталяванне для сельскагаспадарчай вытворчасці, фермерскіх і цяплічных гаспадарак, аграхімія, сродкі аховы раслін і глебаў, кармавыя дабаўкі, ветпрэпараты і медыкаменты, рыбацкая вёска. Асобную залу зойме экспазіцыя «Белпрадукт» у якой прымуць удзел 114 вядучых вытворцаў харчовай прадукцыі краіны. Па словах Аляксандра Макаўчыка, таксама сёлета малыя фермерскія гаспадаркі прадставяць міні-тэхніку ўласнай вытворчасці — 17 адзінак самаробных трактароў.

Усе ахвотныя змогуць бясплатна адправіцца на выстаўку — для наведвальнікаў будзе арганізаваны трансфер са станцыі метро Малінаўка ў Мінску да Шчомысліцы. Адтуль кожныя паўгадзіны будзе адпраўляцца бясплатны аўтобус.

Ілья КРЫЖЭВІЧ

Загаловак у газеце: Чым вёска багатая...

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Шчырая размова з вядомым педагогам пра бацькоўскія сумненні і страхі

Шчырая размова з вядомым педагогам пра бацькоўскія сумненні і страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.