19 Верасень, серада

Вы тут

Цікавыя факты пра ежу


Мышы пагрызлі мільён

Мышы часткова знішчылі запас купюр у адным з банкаматаў у Індыі, паведамляе Іndіа Tоdау.


Інцыдэнт адбыўся ў горадзе Цінсукія, штат Асам. Банкамат, які належыць дзяржбанку Індыі, перастаў працаваць. Праз некалькі тыдняў супрацоўнікі вырашылі адкрыць і праверыць апарат.

Аказалася, што вялікая колькасць грошай была знішчана мышамі. Усяго ў банкамаце ўтрымлівалася 2 мільёны 948 тысяч рупій (каля 93 000 беларускіх рублёў) у асноўным банкнотамі па 500 і 2000. Мышы пагрызлі купюры агульным коштам 1 мільён 238 тысяч, прычым разарвалі грошы на драбнюткія кавалачкі.


Рэстаран прагарэў на скнарах

Кітайскі рэстаран, які прапанаваў наведвальнікам неабмежаваную колькасць ежы, згалеў за два тыдні і залез у даўгі, паведамляе Sоuth Сhіnа Mоrnіng Роst.

Установа пад назвай Jіаmеnеry кітайскім Чэнду, правінцыя Сычуань, прапаноўвала наведвальнікам з'есці ўсё што заўгодна за 120 юаняў у месяц (каля 36 рублёў). Для таго каб скарыстацца прапановай, трэба было набыць членскую картку. У выніку візіцёры прыняліся выкарыстоўваць адзін купон на цэлыя сем'і. У выніку рэстаран завінаваціўся 500 тысяч юаняў (каля 150 000 рублёў) і быў вымушаны закрыцца. Адзін з уладальнікаў прызнаўся, што такім чынам хацеў прыцягнуць і ўтрымаць лаяльных наведвальнікаў і хутка абысці канкурэнтаў. Пасля аб'явы аб акцыі кожны дзень установу наведвалі не менш за 500 кліентаў, чэргі каля дзвярэй выстройваліся з раніцы, а апошнія пакідалі рэстаран за поўнач.


Мегасняданак ніхто не змог з'есці

Кавярня ў англійскім Данкастэры, графства Саўт-Ёркшыр, прапанавала наведвальнікам адолець гіганцкі англійскі сняданак, які складаецца з 65 частак, піша Mіrrоr.

Страва пад назвай «Тэрмінатар 2» уключае ў сябе восем традыцыйных кампанентаў англійскага сняданку, у тым ліку бекон, сасіскі і яйкі, а таксама вялікую колькасць фасолі і тосты. Нягледзячы на вялізарныя памеры, яна каштуе 15 фунтаў стэрлінгаў (каля 40 рублёў). У кавярні ўжо існавала паменшаная версія «Тэрмінатар» коштам у 7,95 фунта стэрлінга (21 рубель) з чатырох кампанентаў, але наведвальнікі хутка распраўляліся з ёй. Пакуль ні адзін з тых, хто замовіў «Тэрмінатар 2», не змог даесці яго, адзначылі ва ўстанове. Чалавеку, які зможа адолець мегасняданак, абяцаюць месца на сцяне славы кавярні.

Іван КУПАРВАС

Дадаць каментар

Выбар рэдакцыі

Грамадства

Якім чынам можа праяўляцца адзінота?

Якім чынам можа праяўляцца адзінота?

Адзінота і асабліва адзінота ў сям'і — рэальная прыкмета нашага часу.

Грамадства

Усё, што трэба ведаць пра замяшчальную гарманальную тэрапію

Усё, што трэба ведаць пра замяшчальную гарманальную тэрапію

Лішняя вага, бяссонніца, прылівы, парушэнні ціску і астэапароз — далёка не ўсе праявы, якія падпільноўваюць жанчыну ў пэўным узросце. 

Спорт

Вячаслаў Грэцкі: Часам называюць мяне Уэйнам

Вячаслаў Грэцкі: Часам называюць мяне Уэйнам

Пра знакамітае прозвішча і сучаснасць беларускага хакея.