Вы тут

У сталіцы працуе выстаўка «Мінск рэальны і віртуальны»


Нацыянальны гістарычны музей і Wargamіng сумясцілі рэальнасць з віртуальнасцю.

Убачыць унікальныя архіўныя фотаздымкі Мінска, зробленыя амаль паўстагоддзя таму, і адноўленыя на іх аснове лакацыі сусветна вядомай анлайн-гульні «World of Tanks» і трапіць з дапамогай першых і другіх у беларускую сталіцу 60—70-х змогуць усе наведвальнікі незвычайнай перасоўнай выстаўкі «Мінск рэальны і віртуальны».


Экспазіцыя — своеасаблівы падарунак Мінску ад Нацыянальнага гістарычнага музея Беларусі і кампаніі Wargamіng. Усе ахвотныя могуць параўнаць рэальныя фотаздымкі, зробленыя з 1956 да 1984 года, і скрыншоты з гульні і ацаніць маштаб і глыбіню працы каманды з больш як 45 мастакоў і тэхнічных спецыялістаў, якія цягам 10 месяцаў у шчыльным кантакце з гісторыкамі «ажыўлялі» ў віртуальнасці ўчастак Мінска, ключавымі кропкамі якога сталі плошча Перамогі, Белдзяржцырк, Дом-музей І з'езда РСДРП, Оперны тэатр і парк імя Горкага. «Плошча ўчастка прыкладна кіламетр на кіламетр, — заўважае прадукт-менеджар Мінскага цэнтра распрацоўкі WoT Ілья Фукалаў, — і нашай задачай было зрабіць карту не толькі прыгожай, але і максімальна рэалістычнай».

— Прыемна тое, як адказна і беражліва распрацоўшчыкі гульні падышлі да рэалізацыі праекта — паказаць як мага большай колькасці людзей Мінск 60—70-х гадоў, калі горад яшчэ працягваў аднаўляцца пасля вайны. Магчыма, у перспектыве гэты момант «выстраліць» у турыстычным і культурным плане, калі гульцы з розных краін свету захочуць на ўласныя вочы ўбачыць, як выглядае Мінск сёння, — адзначае дырэктар Нацыянальнага гістарычнага музея Павел Сапоцька.

Выстаўка будзе праходзіць у Нацыянальным гістарычным музеі да 24 жніўня, потым пераедзе ў гандлёва-забаўляльны цэнтр «Gallerіa Mіnsk», а фінішуе 9 верасня ў парку Перамогі.

Вікторыя ЦЕЛЯШУК

Загаловак у газеце: Назад у 70-я

Выбар рэдакцыі

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Ён прымеркаваны да Года малой радзімы.

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў.