Вы тут

Падрыхтоўка да Еўрапейскіх гульняў ідзе вельмі добра


Аб гэтым журналістам заявіў прэзідэнт Еўрапейскіх Алімпійскіх камітэтаў Янэз Качыянчыч па выніках сустрэчы з Аляксандрам Лукашэнкам.


Паводле яго слоў, кіраўнік беларускай дзяржавы не па чутках ведае аб спорце і выдатна ў ім разбіраецца. "Мая мэта заключалася ў тым, каб распавесці яму пра працэс падрыхтоўкі да Еўрапейскіх гульняў, якія адбудуцца менш чым праз 10 месяцаў. На мой погляд, падрыхтоўка арганізавана вельмі добра, сітуацыя ў цэлым вельмі радасная. Мы лічым, што Беларусь зможа правесці выдатныя гульні", – падкрэсліў прэзідэнт Еўрапейскіх Алімпійскіх камітэтаў.

"Я таксама хацеў бы скарыстацца магчымасцю і падзякаваць ўраду Рэспублікі Беларусь і яе лідарам за ўвядзенне бязвізавага рэжыму для гасцей дадзенага мерапрыемства, у прынцыпе для ўсіх – не толькі спартсменаў і гледачоў, а для ўсіх, хто хацеў бы прыехаць сюды і адкрыць для сябе Рэспубліку Беларусь. Спадзяюся, што вы, беларусы, зможаце скарыстацца гэтай выдатнай магчымасцю для таго, каб паказаць усяму свету, што ж такое сучасная і квітнеючая Беларусь", – сказаў Янэз Качыянчыч.

Падчас самой сустрэчы беларускі лідар адзначыў, што ў нашай краіне нямала зрабілі для паспяховага правядзення Еўрапейскіх гульняў, аднак нейкія недапрацоўкі напэўна прысутнічаюць – іх і папрасіў агучыць кіраўнік дзяржавы.

Янэз Качыянчыч распавёў журналістам, што ў бліжэйшыя 10 месяцаў арганізацыйнаму камітэту трэба ўрэгуляваць невялікія тэхнічныя пытанні, тады як усе астатнія ўжо былі вырашаны.

Даведка

Янэз Качыянчыч нарадзіўся 20 кастрычніка 1941 года ў Любляне, Славенія. Адукацыя вышэйшая, скончыў юрыдычны факультэт Універсітэта Любляны ў 1965 годзе, доктар юрыдычных навук.

Палітычную кар'еру пачынаў у сярэдзіне шасцідзесятых гадоў у якасці старшыні Цэнтральнага камітэта Саюза Моладзі Славеніі, а пазней – Югаславіі. Займаў пасаду міністра ўрада, узначальваў Славенскую нацыянальную авіякампанію Adria Airways, а таксама быў членам Нацыянальнага сходу Рэспублікі Славенія.

Спартыўная кар'ера ў Янэза Качыянчыча звязана з лыжамі: ён узначальваў лыжную асацыяцыю Славенію, а потым Югаславіі, быў членам Рады Міжнароднай федэрацыі лыжнага спорту, пасля чаго стаў яе віцэ-прэзідэнтам. Да 2014 года быў прэзідэнтам Нацыянальнага Алімпійскага камітэта Славеніі.

З 2005 года ён з'яўляецца членам Выканкама Еўрапейскіх Алімпійскіх камітэтаў, а з 2017 года ўзначальвае арганізацыю.

Уладзіслаў ЛУКАШЭВІЧ

Фота БЕЛТА

Выбар рэдакцыі

Грамадства

Пераможца «Жанчыны года-2018»: З трыма дзецьмі можа справіцца кожная пара

Пераможца «Жанчыны года-2018»: З трыма дзецьмі можа справіцца кожная пара

Тры гады таму прозвішча Трыкоза ўжо было на слыху.

Грамадства

Мэр Брэста Аляксандр Рагачук: Дзеці ў пясочніцах на касцях гуляць не будуць

Мэр Брэста Аляксандр Рагачук: Дзеці ў пясочніцах на касцях гуляць не будуць

Кіраўнік Брэсцкага гарвыканкама адмеркаваў рэзанансную тэму раскопак на тэрыторыі гета.

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.