Вы тут

Сляпы лес


Сляпы лес

Густ - гэта, у першую чаргу, уменне бачыць прыгожае. Здольнасць (а)цаніць прыгажосць -- у людзях, рэчах, гісторыях... Ori and the Blind Forest (англ. Оры і Сляпы Лес) – платформер, распрацаваны Moon Studios у 2015 годзе – казка дзіўнай прыгажосці. Мы гуляем за Оры, асірацелага ляснога духа, і яго эфемернага кампаньёна Сейн. Цемра ахінула родны лес Оры: цёмны дух забраў сэрца Дрэва Жыцця, і чароўны лес пачаў вянуць. Забруджваецца вада, дрэвы не квітнеюць, усё навакол памірае і абрастае шыпамі. Разам з Сейнам, які ведае, чым дапамагчы лесу, Оры адпраўляецца ў падарожжа, каб вылечыць родны кут ад цемры і гнілі.

Застаючыся займальнай гульнёй, Ori and the Blind Forest распавядае кранальную гісторыю, здольную расчуліць да слёз. Пяшчотная, амаль заспакаяльная, Ori -- пасланне, поўнае любові да прыроды і навакольнага асяроддзя. Любові да жыцця і да дзён, што нясуць радасныя клопаты.

Музычнае суправаджэнне гульні настройвае на адпаведны лад і арганічна дапаўняе карцінку чароўнага лесу. Літаральна кожную гадзіну Оры авалодвае новымі навыкамі, і досыць прамалінейны гульнявы працэс не дакучае, толькі зацягвае гульца ў атмасферны свет Сляпога Лесу. Зацягвае да такой ступені, што з ім потым не хочацца развітвацца: ён нібы калыханка пасля стомнага восеньскага дня. Супакойвае, закалыхвае і проста дзівіць сваёй шчырай прыгажосцю ўручную прамаляваных лакацый – меланхалічных, сакавітых, сардэчных.

Ori and the Blind Forest – такая гульня, якая, магчыма, не ўзбударажыць мозгаўзрывальнымі сюжэтнымі паваротамі ці складанымі адносінамі паміж персанажамі, але яна пакідае пасля сябе прыемнае адчуванне насычанасці. Задавальнення. Усё на сваім месцы: і гісторыя, расказаная самім Дрэвам Жыцця, і геймплэй, які можа спадабацца нават тым, хто не любіць платформеры. Гэта гульня зроблена з сэрцам – і вялікім густам.

Валерыя ДЗЯТКОВА

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам спецыялістам Нацбанка

Тонкае мастацтва дабрабыту. Складаем сямейны бюджэт разам спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.