Вы тут

Што адбывалася ў першай частцы Мінскага міжнароднага кінафестывалю


Ідзе пяты дзень кінафестывалю «Лістапад», і за гэты час наведвальнікі цырымоніі адкрыцця пабачылі слёзы Святланы Немаляевай, калі яна атрымала прыз «Кіно без межаў», гледачы пачалі і працягнулі глядзець конкурсныя фільмы і пазаконкурс, а ўчора вечарам былі падведзены першыя вынікі — Конкурсу нацыянальных кінашкол.


Кадр з філь­ма «Ганд­ляр бран­за­ле­та­мі».

Пункцірна трагічны, чорна-белы, магічны фільм з цудоўным саўндтрэкам «Халодная вайна» Паўла Паўлікоўскі «зрабіў» 2 лістапада для кінааматараў. Кіно было паказана на кінафестывалі ўжо тры разы і вельмі добра ўпісалася ў ролю фільма адкрыцця і ў канцэпцыю «Лістапада». Гэтым разам фестываль, што даследуе посткамуністычную прастору, адкрыўся гісторыяй кахання, што цярпела ад палітычнага, ідэалагічнага і гістарычнага фону ў Варшаве, Парыжы, Югаславіі, зноў у Варшаве і, нарэшце, у закінутым праз камуністычныя ўстаноўкі касцёле недзе ў польскай глыбінцы.

Фільм быў паказаны пасля цырымоніі адкрыцця «Лістапада», на якой Рустам Сагдулаеў атрымаў спецыяльны прыз Прэзідэнта «За захаванне і развіццё традыцый духоўнасці ў кінамастацтве», а Святлана Немаляева — спецыяльны прыз Выканаўчага камітэта СНД «Кіно без межаў», што выклікала яе расчуленасць і слёзы.

Як і ў мінулым годзе, калі да кінафестывалю ўпершыню далучыўся кінатэатр «Falcon Club Буцік Кіно», журы і прэса глядзяць конкурсныя карціны на Пераможцаў, 20, а сустрэчы з кінематаграфістамі праходзяць на пляцоўках «Цэнтральнага», «Міра», «Піянера».

Усё той жа беспрасвет быў паказаны ў фільме «Ласкавая абыякавасць свету» рэжысёра з Казахстана Адзільхана Ержанава, які ўжо двойчы ўдзельнічаў у «Лістападзе» — з работамі «Гаспадары» і «Чума ў ауле Каратас». Фільм удзельнічае ў Асноўным конкурсе ігравога кіно. Вельмі хітрай падалася карціна з «Маладосці на маршы» індыйскага рэжысёра Эрэ Годы «Гандляр бранзалетамі» — пра сямейную пару ў індыйскай вёсцы і некамунікацыю паміж мужам і жонкай, за чым хаваюцца вельмі цікавыя сакрэты.

Дарэчы, з фільмам «Гандляр бранзалетамі» звязана гісторыя з харасмэнтам. Рэжысёра фільма ў Індыі ананімна абвінавацілі ў сексуальных дамаганнях, з-за чаго прадзюсар карціны папрасіў «Лістапад» выключыць «Гандляра» з праграмы. Але дырэкцыя адмовілася прымаць радыкальныя меры без суда і следства. Цікава, чым завяршыцца гісторыя ў Індыі, але лепш не ўпусціць магчымасць убачыць фільм на вялікім экране.

У кінатэатры «Беларусь» сёння пачынаюцца паказы Нацыянальнага конкурсу таксама з магчымасцю задаць пытанні аўтарам. А ў «Піянеры» будуць аб'яўлены вынікі конкурсу фільмаў для дзіцячай і юнацкай аўдыторый «Лістападзік», адкрыццё якога адбылося 3 лістапада з удзелам прадзюсара Чын-ю Яо і рэжысёраў Моонікі Сійметс і Алдзіяра Байракімава, фільмы якіх былі ўключаны ў конкурс.

Учора вечарам былі абвешчаны першыя вынікі: Конкурс нацыянальных кінашкол назваў пераможцаў, іх можна знайсці на сайце кінафестывалю lіstapad.com.

Вынікі ўсяго форуму будуць падведзены 9 лістапада, пасля чаго — пасля свята кіно — можна будзе абмеркаваць надзённыя праблемы, звязаныя з фестывалем. Заснавальнікамі «Лістапада» выступаюць Міністэрства культуры і Мінгарвыканкам, сваю лепту ў арганізацыю ўнёс генеральны партнёр — банкаўская плацежная картка «Шчодрая» MasterCard.

Па-ранейшаму кінафестываль дае магчымасць убачыць фільмы, якія наўрад ці давядзецца ўбачыць на вялікім экране ў будучыні, а магчыма, не ўдасца знайсці нават на маленькім.

Ірэна КАЦЯЛОВІЧ

Загаловак у газеце: Час эксклюзіўнага кіно

Выбар рэдакцыі

Культура

У нядзелю яўрэі святкуюць Новы год дрэў

У нядзелю яўрэі святкуюць Новы год дрэў

На гэта свята асаблівым чынам спажываюць розную садавіну, запіваючы келіхамі добра разбаўленага віна.

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».