Вы тут

Дайджэст навін з рэгіёнаў Беларусі


З увагай да чалавека

Святлана Андрыкевіч працуе ў сацыяльнай сферы больш за 30 гадоў. Што столькі гадоў вабіць яе ў прафесіі, запытваў карэспандэнт газеты «Навіны Палесся» Столінскага раёна.

Сваю першую работу пасля тэхнікума Святлана атрымала на Меднаўскай птушкафабрыцы. Але прапрацаваўшы там год у якасці бухгалтара, зразумела, што сумуе па малой радзіме — вярнулася ў Столін. Там ужо і ўладкавалася ў аддзел сацыяльнай абароны, дзе, дарэчы, пазнаёмілася і з будучым мужам. Святлана штодзень сустракаецца з людзьмі пенсійнага ўзросту, таму важна, на яе думку, не пакрыўдзіць чалавека, знайсці да яго падыход, растлумачыць, праявіць дабрыню і разуменне. Многія звяртаюцца ў яе аддзел, каб даведацца пра патрабаванні да афармлення даведак, да падрыхтоўкі пакета дакументаў. За кожным дакументам — канкрэтны чалавек. І кожны патрабуе да сябе ўвагі.


Ладзь калёсы зімою

Пасяўны агрэгат даводзіць да ладу Сяргей Бутанаў. Фота gztzаrа.by

Больш за 70 % сельскагаспадарчай тэхнікі падрыхтавана ўжо да веснавой пасяўной кампаніі ў Беларусі. Урад даручыў прыняць меры — забяспечыць гатоўнасць да 25 сакавіка не менш як 95 % наяўнай тэхнікі для правядзення веснавых палявых работ. Рамонт трактароў і агрэгатаў актыўна ідзе і ў гаспадарках Бешанковіччыны, піша раённая газета «Зара».

Карэспандэнт завітаў у «Вядзерава», дзе на момант візіту былі адрамантаваны два «КЧ-5,1», «КЧ-4,0» і «КПН-6,0», ішоў рамонт плугоў. «Таксама ўжо ў спраўным стане «АГП-6Д», які давёў да ладу Сяргей Бутанаў, — паведаміў інжынер-механік гаспадаркі Валерый Лагун. — Тры трактары з 21 пакуль што няспраўныя. Адзін рухавік знаходзіцца на маторарамонтным заводзе ў Віцебску. У асноўным жа тэхніка аднаўляецца сваімі сіламі: дзесьці трэба рэанімаваць счапленне, падправіць мінулагоднюю афарбоўку ці які іншы дробны рамонт зрабіць».

Падрыхтоўка трактароў і розных агрэгатаў патрабуе не толькі значных фінансавых выдаткаў, але і ўпартай чалавечай працы. Што казаць, з фінансамі паўсюль складана, няма такога кіраўніка, у якога б галава не балела, як вырашыць праблему. Зразумела, што зусім без падтрымкі ніводнае сельгаспрадпрыемства не пакінуць (пэўныя сродкі на рамонт тэхнікі гаспадаркам выдзеляць з бюджэту), але ўсё ж, як кажуць, на Бога спадзявайся, а сам старайся.


На асаблівым кантролі

У мінулую суботу намеснік старшыні Лідскага райвыканкама Андрэй Каўрыга правёў прамую тэлефонную лінію, на якую звярнулася дзесяць чалавек. Большая частка пытанняў датычылася камунальнай сферы. Карэспандэнт «Лідскай газеты» расказаў, што яшчэ абмяркоўвалі на планёрцы.

Арганізацыя гарачага харчавання ў дзіцячых садках, школах на асаблівым уліку. Зрэшты, як і ва ўстановах аховы здароўя. Таксама на планёрцы ішла размова пра тое, што пракуратурай Лідскага раёна летась было ўзбуджана дысцыплінарнае вядзенне па факце крадзяжу прадуктаў харчавання работнікамі харчаблока Лідскай ЦРБ. Якія меры прыняты яе адміністрацыяй, каб падобнае не паўтаралася? Галоўны ўрач Вадзім Трубчык, адказваючы на гэтае пытанне, сказаў, што вінаватыя пакараныя, сітуацыя знаходзіцца на кантролі.

Кіраўнік рэгіёна Міхаіл Карповіч запатрабаваў яшчэ больш пільнага кантролю за якасцю харчавання ва ўстановах адукацыі і бальніцах.

Падрыхтавала Надзея АНІСОВІЧ

Выбар рэдакцыі

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад. 

Грамадства

Ці заўсёды выгадна афармляць бальнічны

Ці заўсёды выгадна афармляць бальнічны

Сярод знаёмых у мяне ёсць шмат жанчын, якія звяртаюцца да ўрача пры любым занядужанні і пры кожнай магчымасці афармляюць бальнічны ліст. 

Культура

Чаму сучаснае беларускае кіно «невялікае»?

Чаму сучаснае беларускае кіно «невялікае»?

Пісьменнік і дысідэнт Андрэй Сіняўскі, калі расказваў пра ўтрыраваную дробязнасць савецкай «цывілізацыі», прывёў у прыклад аповесць Міхаіла

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.