Вы тут

З 1 лютага павышаюцца некаторыя пенсіі і дапамогі на дзяцей


З наступнага месяца традыцыйна вырасце бюджэт пражытковага мінімуму (БПМ), а ўслед за ім падымуцца ўсе выплаты, прывязаныя да яго. Так, змены закрануць мінімальныя працоўныя і сацыяльныя пенсіі, аднаразовыя дапамогі пры нараджэнні дзяцей і некаторыя іншыя выплаты. Памер БПМ складзе 216,9 рубля.


Як зменяцца пенсіі

Сацыяльная пенсія інвалідам 1-й групы, у тым ліку інвалідам з дзяцінства, складзе 238 рублёў (110 % ад БПМ), інвалідам з дзяцінства 2-й групы — 206 рублёў (95 % ад БПМ), іншым інвалідам 2-й групы, а таксама дзецям у выпадку страты карміцеля — 184 рублі (85 % БПМ), інвалідам 3-й групы — 162 рублі (75 % БПМ).

Пенсія дзецям-інвалідам да 18 гадоў, у залежнасці ад ступені страты здароўя, складзе ад 173 да 238 рублёў.

У сувязі са змяненнем БПМ павялічацца таксама надбаўкі, павышэнні да пенсій і даплаты беларусам, якім 75 гадоў і больш, а таксама дапамогі па доглядзе інваліда І групы або асобы, якая дасягнула 80-гадовага ўзросту. Так, даплата да пенсіі беларусам, якім споўнілася 75 гадоў, будзе раўняцца 40,67 рубля. Тыя ж, хто дасягнуў 80 гадоў, атрымаюць даплату ў 54,23 рубля. Гэтыя грошы, па словах прадстаўнікоў Міністэрства працы і сацыяльнай абароны, — так званы бонус за доўгажыхарства.

Мінімальная пенсія па ўзросце складзе 54 рублі (25 % БПМ). Акрамя таго, асобам, якія атрымліваюць такую пенсію, яшчэ даплачваюць 20 % ад сярэдняй зарплаты па краіне.

Як зменяцца дзіцячыя дапамогі

Аднаразовая дапамога жанчынам, якія сталі на ўлік у дзяржаўных арганізацыях аховы здароўя да 12-тыднёвага тэрміну цяжарнасці, будзе раўняцца 216 рублям.

З 1 лютага паднімуцца і аднаразовыя дапамогі пры нараджэнні дзяцей. Так, за першынца маці атрымае 2169 рублёў, за другога і наступных дзяцей — 3036,6 рубля.

Таксама павялічваецца памер дапамогі па доглядзе дзіцяці ва ўзросце да 3 гадоў. З 1 лютага яна складзе:

  • на першае дзіця — 362,46 рубля;
  • на другое і наступных — 414,24 рубля;
  • на дзіця-інваліда — 466,02 рубля.

У Міністэрстве працы і сацыяльнай абароны нагадалі, што ў адпаведнасці з Законам Рэспублікі Беларусь ад 29 снежня 2012 года «Аб дзяржаўных дапамогах сем'ям, якія выхоўваюць дзяцей» памеры дапамогі па доглядзе дзіцяці ва ўзросце да 3 гадоў пераразлічваюцца ў сувязі з ростам сярэднямесячнай заработнай платы два разы на год: з 1 лютага і 1 жніўня.

Памер гэтай дапамогі складае 35 % ад сярэднямесячнай заработнай платы работнікаў у рэспубліцы — на першае дзіця, 40 % — на другое і наступных і 45 % — на дзіця-інваліда незалежна ад чарговасці яго нараджэння.

Па даных Нацыянальнага статыстычнага камітэта, намінальная налічаная сярэднямесячная заработная плата ў краіне ў ІV квартале 2018 года склала 1035,6 рубля і павялічылася ў параўнанні з ІІ кварталам на 10,2 %.

Штомесячная дапамога сем'ям на дзяцей ва ўзросце ад 3 да 18 гадоў у перыяд выхавання дзіцяці ва ўзросце да 3 гадоў цяпер складзе 108,45 рубля, ці 50 % БПМ.

Дапамогі сем'ям, якія даглядаюць дзяцей-інвалідаў да 18 гадоў, вырастуць таксама. Іх памер складзе:

  • калі ў дзіцяці І і ІІ ступень страты здароўя, — 216 рублёў;
  • калі ў дзіцяці ІІІ і ІV ступень страты здароўя, да спаўнення яму 3 гадоў, — 216 рублёў;
  • калі ў дзіцяці ІІІ і ІV ступень страты здароўя і пры гэтым яму споўнілася 3 гады, — 260 рублёў.

Святлана БУСЬКО

 

Загаловак у газеце: Даплаты мамам і пажылым

Выбар рэдакцыі

Грамадства

Як адбываюць пакаранне асуджаныя да абмежавання волі «ў хатніх умовах»

Як адбываюць пакаранне асуджаныя да абмежавання волі «ў хатніх умовах»

«Хатняя хімія» — гэта турма, толькі на свабодзе», — з сарказмам кажуць самі асуджаныя пра абмежаванне волі без накіравання ў папраўчую ўстанову.

Здароўе

​Як абараніць сябе ад кардыялагічных праблем у халодны перыяд?

​Як абараніць сябе ад кардыялагічных праблем у халодны перыяд?

Менавіта зімой павялічваецца колькасць інфарктаў і павышаецца артэрыяльны ціск.

Культура

Успаміны пра Яўгенію Янішчыц

Успаміны пра Яўгенію Янішчыц

Піша Зіновій Прыгодзіч.

Грамадства

У 2023 годзе з'явяцца квоты на рабочыя месцы для людзей з інваліднасцю

У 2023 годзе з'явяцца квоты на рабочыя месцы для людзей з інваліднасцю

У Беларусі на сённяшні дзень звыш 570 тысяч чалавек маюць інваліднасць.