Старшыня Каардынацыйнай камісіі ІІ Еўрапейскіх гульняў, член Выканкама Еўрапейскіх алімпійскіх камітэтаў, прэзідэнт НАК Грэцыі Спірас Капралас наведаў Мінск з афіцыйным візітам. Ён пабываў на некалькіх арэнах, дзе пройдуць спаборніцтвы Гульняў.
«Ужо цяпер можна сказаць, што ўсе пляцоўкі максімальна гатовыя прымаць спаборніцтвы такога ўзроўню, — прыводзіць словы Капраласа афіцыйны сайт Еўрапейскіх гульняў 2019. — На цяперашні момант можна казаць не толькі аб выдатных арэнах, але і аб выдатным персанале, які будзе тут працаваць і кіраваць усімі працэсамі падчас Гульняў. Спадзяёмся на тое, што ўсе найлепшыя спартсмены прыбудуць у Мінск на піку сваёй формы і пакажуць тут свае найлепшыя вынікі». Спецыяліст адзначыў, што акрамя спартыўных аб'ектаў неабходна адзначыць і Вёску спартсменаў, гэты комплекс збудаванняў мае выдатныя характарыстыкі для жыцця, увесь жылы фонд быў сур'ёзна абноўлены, і гэта застанецца студэнтам у якасці спадчыны ІІ Еўрапейскіх гульняў.
Дар'я ЛАБАЖЭВІЧ
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
