Вы тут

Упершыню падчас выстаўкі «СМІ ў Беларусі» пройдзе Дзень піяру


Упершыню падчас Міжнароднай спецыялізаванай выстаўкі «СМІ ў Беларусі» пройдзе Дзень піяру. Ініцыятыву, якую прапанавалі вядучыя камунікацыйныя агенцтвы краіны, падтрымала Міністэрства інфармацыі.


«Нам здаецца, зварот да гэтай тэмы вельмі важны і своечасовы, бо ўжо ёсць нямалы назапашаны вопыт: 25 гадоў споўнілася сёлета аднаму з першых беларускіх камунікацыйных агенцтваў, 20 гадоў існуе на журфаку БДУ кафедра тэхналогій камунікацыі, — адзначае галоўны рэдактар штотыднёвіка «Аргументы і факты» ў Беларусі, старшыня Савета заснавальнікаў Інстытута РR Ігар Сакалоў. — Але дагэтуль многія, асабліва ўсходнія партнёры, успрымаюць РR як схаваную рэкламу і блытаюць адно з другім». Між тым, гаворыць адзін з найстарэйшых айчынных піяршчыкаў, акцэнты ў рабоце прэс-службаў і РR-агенцтваў зрушыліся. Калі раней гаворка ішла пра фарміраванне лаяльнасці да пэўнай кампаніі, то цяпер задача — дабіцца ў шырокай аўдыторыі пачуцця датычнасці, а значыць, даверу і ўзаемаразумення. Уласна, тэма выкарыстання РR-тэхналогій як дадатковага канала стасункаў з шырокай аўдыторыяй, у тым ліку праз СМІ, і стане лейтматывам Дня піяру.

Удзельнікаў — а далучыцца да Дня піяру арганізатары прапанавалі шырокаму колу зацікаўленых, у тым ліку РR-спецыялістам, журналістам, прэс-службам дзяржаўных арганізацый і камерцыйных прадпрыемстваў з усіх рэгіёнаў — чакае насычаная праграма канферэнцый, майстар-класаў, прэзентацый тэарэтычных і практычных напрацовак, прафесійных дыскусій за круглым сталом, а таксама крэатыўныя мерапрыемствы ад студэнтаў і выкладчыкаў факультэта журналістыкі Белдзяржуніверсітэта.

Вікторыя ЦЕЛЯШУК

Загаловак у газеце: Майстэрства весці дыялог

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам спецыялістам Нацбанка

Тонкае мастацтва дабрабыту. Складаем сямейны бюджэт разам спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.