Вы тут

Што такое крэм-мёд?


Зараз на рынках можна сустрэць такі экзатычны прадукт, як крэм-мёд. Гэта новы тавар, пра які мала інфармацыі нават у інтэрнэце. Што гэта? У чым яго адрозненне ад звычайнага мёду? Што ў ім карыснага? І дзе набыць арыгінальны якасны прадукт?

Іван МЯЛЕШКА, г. Брэст.

Адказвае ўрач-лабарант Мінскага абласнога цэнтра гігіены, эпідэміялогіі і грамадскага здароўя Ірына БАЦЯН:

— Крэм-мёд — гэта натуральны прадукт, які гатуюць шляхам узбівання зыходнага прадукту пчалаводства да аднароднай крэмавай кансістэнцыі. Такая тэхналогія была вынайдзена ў Канадзе, каб не ўжываць зацукраваны аселы мёд, які пачынае страчваць сваю карысць. У нас такі прадукт з'явіўся адносна нядаўна.

Тэхналогія яго вытворчасці простая: мёд узбіваецца да пачатку яго крышталізацыі. У выніку буйныя крышталі разбураюцца і структура атрымліваецца падобнай да смятаны. Прадукт насычаецца кіслародам, у яго павялічваецца аб'ём, кансістэнцыя робіцца крэмавай. Смак і водар могуць нязначна змяніцца, а колер пасвятлець да малочнага ці белага. Але калі гатаваць гэты прадукт правільна, выконваючы тэхналогію, то мёд сваіх карысных уласцівасцяў не страчвае.

У чым адрозненне ад мёду? Акрамя крэмавай кансістэнцыі і колеру — ні ў чым. Карысныя ўласцівасці і якасці крэму застаюцца тымі ж, што і ў зыходнага натуральнага прадукту. Яго асаблівасць у тым, што дзякуючы мяккай кансістэнцыі яго можна лёгка намазаць на хлеб ці есці лыжкай, у той час як звычайны мёд крышталізуецца і цвярдзее, за кошт чаго губляе свае карысныя ўласцівасці. Крэм-мёд захоўваецца доўга — каля года.

Як не трапіць на падробку? Гэта складанае пытанне, бо распазнаць яе амаль немагчыма. Тут дарэчы толькі адна парада: набывайце крэм-мёд у спецыялізаваных магазінах ці ў правераных гандляроў.

Алена КРАВЕЦ

Выбар рэдакцыі

Культура

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Свята, якое ўжо традыцыйна ладзіцца ў першую нядзелю верасня, сёлета прымае Слонім.

Грамадства

Як працуюць сядзелкі

Як працуюць сядзелкі

Попыт на сядзелак ці медсясцёр, якія могуць даглядаць цяжка хворых людзей на даму, пастаянна расце.

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.