Вы тут

Пяты міжнародны велакарнавал «Viva Ровар!» прайшоў у Мінску


Сёлетні фестываль стаў цэнтральнай падзеяй велатыдня, цягам якога адбываліся  спаборніцтвы па веласпорце, у тым ліку шасейныя велагонкі, Кубак і Гран-пры Мінска. І, як сцвярджаюць арганізатары, стаў рэкордным – у ім узялі ўдзел каля 22 тысяч чалавек. А калона велапараду, які рушыў ад стэлы "Мінск – горад-герой" да "Мінск-Арэны" і назад, расцягнулася на кіламетр! Удзел у мерапрыемстве ўзялі не толькі аматары актыўнага ладу жыцця з розных гарадоў Беларусі і замежных краін, але таксама вядомыя спартсмены Наталля Цылінская, Аляксандр Багдановіч, міністр спорту і турызму Сяргей Кавальчук, папулярныя медыяперсоны, артысты і тэлевядучыя.


Па традыцыі многія ўдзельнікі прыехалі ў адмысловых касцюмах і прадэманстравалі, што няма межаў крэатыву: вышыванкі і сцімпанк, казачныя адзінарогі і сярэднявечныя рыцары, эльфы і вікінгі, плюшавыя цацкі і персанажы фільмаў, стылягі і супергероі, нават несезонны Дзед Мароз – каго толькі не сустрэнеш у велакалоне! Дарэчы, акрамя веласіпедаў, многія выбралі і іншыя спосабы перасоўвання – гіраскутары, самакаты, ролікі.

У парку Перамогі, дзе размясціліся асноўныя пляцоўкі фестывалю, цягам усяго дня ішлі   канцэртная праграма з удзелам гуртоў Akute, B:N, гасцей з Расіі "Ронда" і #2Машы, карпаратыўныя і сямейныя конкурсы, працавалі веламайстэрні і фудкорт, былі зладжаны шматлікія фотазоны і гульнявыя пляцоўкі для дзяцей і дарослых.

Вікторыя ЦЕЛЯШУК

Фота аўтара

Выбар рэдакцыі

Грамадства

Мінчанка трымае ў аднапакаёвай кватэры жывога пітона

Мінчанка трымае ў аднапакаёвай кватэры жывога пітона

У Машы Афанасій жыве каля года. Такі незвычайны падарунак ёй зрабіў сябар.

Грамадства

Удзельнікі праекта «Настаўнік для Беларусі» стануць «свежым ветрам» у педкалектыве

Удзельнікі праекта «Настаўнік для Беларусі» стануць «свежым ветрам» у педкалектыве

1 верасня ў беларускія школы ў невялікіх населеных пунктах прыйдуць 12 крэатыўных і неабыякавых педагогаў, якія павінны ўдыхнуць у іх новае жыццё.

Эканоміка

Зменіцца парадак прыняцця рашэнняў у сумесных домаўладаннях

Зменіцца парадак прыняцця рашэнняў у сумесных домаўладаннях

Гэта прадугледжана новай рэдакцыяй Жыллёвага кодэкса, якая была прынята сёлета ў пачатку мая, а ўступіць у сілу з 1 студзеня наступнага года.