Вы тут

Беларуска-італьянскі тавараабарот плануецца павялічыць да €1 млрд


Летась краіны нагандлявалі на 800 мільёнаў еўра, і тавараабарот працягвае павялічвацца. Пра гэта паведаміў Надзвычайны і Паўнамоцны Пасол Італіі ў Беларусі Марыа БАЛЬДЗІ падчас прэс-канферэнцыі ў Нацыянальным прэс-цэнтры, прысвечанай Дню абвяшчэння рэспублікі.


Як адзначыў пасол, Італія знакамітая трыма f: fооd, fаshіоn, furnіturе (ежа, мода, мэбля). Менавіта яны і з'яўляюцца традыцыйнай асновай тавараабароту. Да актуальных кірункаў апошняга часу належыць і супрацоўніцтва ў галіне аднаўляльнай энергетыкі, зялёнай эканомікі, а таксама вытворчасці станкоў і ўпаковачных машын.

Але «сэрцам» партнёрства паміж Беларуссю і Італіяй дыпламат назваў гуманітарныя адносіны. Напрыклад, пасля аварыі на Чарнобыльскай АЭС каля паўмільёна беларускіх дзяцей атрымалі аздараўленне ў паўднёва-еўрапейскай краіне. Толькі летась 130 беларускіх дзяцей-сірот знайшлі новую сям'ю ў Італіі.

Марыа Бальдзі падкрэсліў, што палітычныя адносіны нашых краін зараз у стадыі «перазапуску», і выказаў надзею, што візавы рэжым паміж Беларуссю і Еўрапейскім саюзам будзе спрошчаны ў найбліжэйшы час. Пасол адзначыў, што для італьянскіх вытворцаў беларускі рынак — прывабныя вароты ў ЕАЭС, а таксама вялікі лагістычны хаб.

Марыа Бальдзі ўпэўнены, што Беларусь можа стаць цэнтрам турыстычнага прыцягнення — нездарма ўсё больш ягоных суайчыннікаў наведваюць Сінявокую (асабліва дзякуючы бязвізаваму рэжыму). «У краіны ёсць усё, чаго шукаюць сучасныя вандроўнікі: чыстае наваколле, экалагічная ежа, распрацаваная інфраструктура, ветлівы народ. Беларусь — гэта сапраўды Белла Русь, bеllіssіmа!», — падзяліўся ўражаннямі пасол.

Варвара МАРОЗАВА

Загаловак у газеце: Капітал сяброўства і ўзаемапавагі

Выбар рэдакцыі

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад. 

Грамадства

Ці заўсёды выгадна афармляць бальнічны

Ці заўсёды выгадна афармляць бальнічны

Сярод знаёмых у мяне ёсць шмат жанчын, якія звяртаюцца да ўрача пры любым занядужанні і пры кожнай магчымасці афармляюць бальнічны ліст. 

Культура

Чаму сучаснае беларускае кіно «невялікае»?

Чаму сучаснае беларускае кіно «невялікае»?

Пісьменнік і дысідэнт Андрэй Сіняўскі, калі расказваў пра ўтрыраваную дробязнасць савецкай «цывілізацыі», прывёў у прыклад аповесць Міхаіла

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.