Вы тут

Падлеткі з дапамогай мабільных тэлефонаў выкрадалі грашовыя сродкі


Праваахоўнікі сталіцы затрымалі падлеткаў, якія з дапамогай мабільных тэлефонаў выкрадалі грашовыя сродкі. Як прызналіся маладыя людзі, яны думалі, што ўсачыць за перамяшчэннем грошай немагчыма, таму і прыдумалі незаконны план.


Жыхар сталіцы 17 гадоў і яго 16-гадовая сяброўка падчас канікулаў вырашылі трохі падзарабіць. Для гэтага яны прыдумалі выкрадаць сім-карты аднаго з сотавых аператараў і ствараць на іх мікра-крэдыты ў памеры 100 рублёў.

Маладыя людзі падыходзілі да прахожых і прасілі даць ім тэлефон, каб нібыта пазваніць камусьці з блізкіх. Ствараючы ілюзію размовы, малады чалавек непрыкметна даставаў сім-карту, а сотавы вяртаў грамадзяніну. Пасля гэтага ў справу ўступала яго 16-гадовая сяброўка. Яна стварала мікра-крэдыты на сім-карце, а атрыманыя грошы перавадзіла іншаму таварышу. Па такой схеме кампанія працавала каля месяца. Ад дзеянняў зламыснікаў пацярпела не менш за чатыры чалавекі. Прычынены ўрон склаў 400 рублёў.

Супрацоўнікі міліцыі заклікаюць грамадзян быць пільнымі і выконваць меры па забеспячэнні захаванасці сваёй маёмасці. Нярэдка фактарам, які спрыяе здзяйсненню большасці злачынстваў, з'яўляецца залішняя даверлівасць.

Канстанцін ЛЮТКЕВІЧ

Загаловак у газеце: Былі занадта даверлівыя...

Выбар рэдакцыі

Грамадства

Першая дапамога дзецям пры траўмах. Што трэба ведаць?

Першая дапамога дзецям пры траўмах. Што трэба ведаць?

​Дастаткова часта дзецi трапляюць у крытычныя сiтуацыi праз сваю цiкаўнасць i павышаную актыўнасць.

Культура

Распавядаем, што паглядзець на сёлетнім «Славянскiм базары ў Вiцебску»

Распавядаем, што паглядзець на сёлетнім «Славянскiм базары ў Вiцебску»

Сёлета ён пройдзе ўпершыню выключна пад адкрытым небам.

Культура

На якія раскопкі чакаюць валанцёраў?

На якія раскопкі чакаюць валанцёраў?

Увесь лiпень працуе археалагiчны летнiк «Наўры-2020».