Вы тут

Беларусь гатова прыняць футбольныя спаборніцтвы самага высокага ўзроўню


Аляксандр Лукашэнка падчас перамоў з прэзідэнтам Саюза еўрапейскіх асацыяцый (УЕФА) Аляксандрам Чэферынам адзначыў, што Беларусь можа прыняць спаборніцтвы любога ўзроўню і правесці іх не горш, чым лепшыя сталіцы нашага кантыненту.


Фота БЕЛТА

Кіраўнік краіны ў прывітальным слове падзякаваў госцю за дапамогу федерацыі самага масавага і папулярнага віду спорта ў Беларусі і выказаў спадзяванне, што з выбраннем Аляксандра Чэферына прэзідэнтам УЕФА кантакты з саюзам павялічацца і будзе поўнае паразуменне. «Але я не магу паскардзіцца і наракаць, што ў мінулыя часы ў нас былі нейкія праблемы з федэрацыяй футбола, — падкрэсліў Прэзідэнт. — Еўрапейскі футбольны савет заўсёды адзываўся на нашы просьбы, заўсёды дапамагаў нам, асабліва дзіцячаму спорту. І вы ведаеце: ніколі мы не чулі з боку саюза якога-небудзь папрока ў наш адрас, што мы нямэтавым вобразам выкарысталі грошы, што мы не дапамагалі дзецям, што мы не дапамагалі футболу». 

Аляксандр Лукашэнка запэўніў: дзяржава і далей будзе садзейнічаць развіццю футбола. Але Прэзідэнт адзначыў і недапрацоўку ў супрацоўніцтве — УЕФА ніколі раней не песціў Беларусь буйнымі спартыўнымі мерапрыемствамі.

«Калі Еўрапейскі футбольны саюз у гэтым кірунку будзе думаць, ведайце, што мы гатовы прыняць любыя спаборніцтвы, на любым узроўні, што тычыцца нашага кантыненту. Я ведаю, што апошнім часам шмат абмяркоўваецца ў розных кругах пытанне аб правядзенні суперматча, фінальнага матча на кубак УЕФА. Ведайце, калі ў вас будзе магчымасць вызначыць месцам правядзення такога матча нашу сталіцу, нашу Беларусь, мы заўсёды будзем з гэтым салідарныя і згодныя. І зробім гэта не хужэй, чым лепшыя сталіцы нашага кантыненту», — сказаў кіраўнік краіны.

Прэзідэнт назваў футбол сваім самым любімым відам спорту. І нагадаў, што ў дзяцінстве ён доўга гуляў у футбол, пакуль не атрымаў траўму. 

Аляксандр Чэферын адзначыў: УЕФА і Беларуская федэрацыя футбола вельмі добра супрацоўнічаюць, але нават і самае плённае ўзаемадзеянне магчыма яшчэ палепшыць.
«Я рад бачыць, што ў Беларусі спорт атрымлівае такую падтрымку, і я, канечне, асабліва рады за футбол. Заўтра мы пачнем новы этап нашага супрацоўніцтва. І мы планіруем падтрымліваць Беларусь і аказваць падтрымку, як мага хутчэй. Мы і раней дапамагалі і з фінансавымі сродкамі, і з інфраструктурай. Мы плануем аказваць падтрымку ў плане адукацыі трэнераў», — канстатаваў Прэзідэнт УЕФА.

Ён адзначыў дапамогу прэм’ер-міністра Беларусі, Сяргея Румаса, які з’яўляецца старшынёй Беларускай федэрацыі футбола.

Даведка

Асацыяцыя «Беларуская федэрацыя футбола» падала дэкларацыю аб зацікаўленасці ў правядзенні Суперкубка УЕФА 2022 ці 2023 гадоў 20 чэрвеня бягучага года. Афіцыйную заяўку неабходна прадставіць да 28 кастрычніка 2019-га. Канчатковае рашэнне аб месцы правядзення спаборніцтва прыме Выканаўчы камітэт Саюза еўрапейскіх асацыяцый (УЕФА) вясной 2020 года. Суперкубак УЕФА разыгрываецца ў адным матчы, падчас якога сустракаюцца пераможцы Лігі чэмпіёнаў УЕФА і Лігі Еўропы УЕФА мінулага сезону.

Марыя ДАДАЛКА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.