Вы тут

Тэмпературны фон на гэтым тыдні адпавядае пачатку кастрычніка


Лістапад працягвае радаваць нас анамальным цяплом. У найбліжэйшыя дні шырокі антыцыклон, які раскінуўся над ніжняй Волгай, будзе аказваць пераважны ўплыў на надвор'е ў нашай краіне. Па перыферыі антыцыклону ў Беларусь працягне паступаць цёплае паветра з поўдня Еўропы. Таму цёплае без ападкаў надвор'е будзе і да пачатку наступнага тыдня, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Фота: pixabay.com

Заўтра на працягу сутак таксама будзе пераважна без ападкаў. Месцамі чакаецца туман. Тэмпература паветра ўначы складзе ад нуля да плюс шасці градусаў, удзень будзе 5—12 цяпла, па паўднёвым захадзе краіны — нават да плюс 14 градусаў. Не чакаецца дажджоў і ў нядзелю. Месцамі ў гэты дзень магчымы туман. Тэмпература паветра ўначы складзе ад плюс 2 да плюс 8 градусаў, удзень будзе 6—12 цяпла, па паўднёвым захадзе краіны прыгрэе да плюс 14 градусаў.

Па папярэдніх прагнозах нашых сіноптыкаў, у пачатку наступнага тыдня надвор'е ў Беларусі будзе вызначаць вобласць павышанага атмасфернага ціску. У панядзелак і аўторак (18—19 лістапада) будзе без істотных ападкаў. Месцамі туман. Тэмпература паветра ўначы складзе ад нуля да плюс сямі градусаў, а вось па ўсходзе краіны пры праясненнях месцамі паветра астудзіцца да 1—3 марозу. Удзень сонца ўсё расставіць на свае месцы — будзе 4—10 цяпла, па паўднёвым захадзе краіны нават да плюс 11—13 градусаў. Цалкам камфортна для сярэдзіны лістапада...

Сяргей КУРКАЧ

Загаловак у газеце: Цяпло не сыходзіць

Выбар рэдакцыі

Культура

«Звязда» з'ездзіла на кінафестываль Żubrоffkа

«Звязда» з'ездзіла на кінафестываль Żubrоffkа

Раім вам у наступным годзе адправіцца туды самім.

Культура

Мастачка Алеся Скарабагатая: Няма мэты падабацца

Мастачка Алеся Скарабагатая: Няма мэты падабацца

Імя мастачкі гучыць усе пяць гадоў правядзення «Асенніх салонаў».

Спорт

Спартсмен Валерый Макарэвіч: Мара ў мяне адна — стаць прафесіяналам сваёй справы

Спартсмен Валерый Макарэвіч: Мара ў мяне адна — стаць прафесіяналам сваёй справы

Як варатар зборнай Беларусі па пляжным футболе сумяшчае гульню з роляй настаўніка і бацькі.  

Калейдаскоп

Вясёлыя гісторыі чытачоў

Вясёлыя гісторыі чытачоў

Языку дай волю..., Хвалі дзень вечарам, Людзі — добрыя.