Вы тут

Беларусь дадаткова будзе атрымліваць каля 78 мільёнаў рублёў у бюджэт штогод


Адпаведны законапраект разгледжаны сёння на пасяджэнні другой сесіі Палаты прадстаўнікоў Нацыянальнага сходу.


«Асноўная мэта Еўразійскага эканамічнага саюза — стварэнне ўмоў для стабільнага развіцця эканомік дзяржаў-членаў у інтарэсах павышэння жыццёвага ўзроўню насельніцтва. Змяненні, якія ўносяцца ў Пратакол, дазволяць Беларусі штогод дадаткова залічваць у бюджэт каля 78 мільёнаў рублёў», — паведаміла журналістам член Пастаяннай камісіі па бюджэце і фінансах Палаты прадстаўнікоў Святлана Барташ.

Дэпутат растлумачыла, што каэфіцыент нарматыву размеркавання ўвазных мытных пошлін упершыню з 2010 года скарэктаваны на 0,3 працэнта да 4,86 працэнта (0,2 працэнта ўступіла Расія, 0,1 — Казахстан).

Таксама сёлета быў разгледжаны праект Пастановы Палаты прадстаўнікоў «Аб Заяве Нацыянальнага сходу Рэспублікі Беларусь у сувязі з 75-годдзем Вялікай Перамогі».

Як паведаміла намеснік старшыні Пастаяннай камісіі па правах чалавека, нацыянальных адносінах і сродках масавай інфармацыі Лілія Ананіч, лейматыў Заявы — Вялікая Перамога свяшчэнная, не падлягае забыццю і перагляду.

«Вялікая Перамога мусіць заставацца ў свядомасці цяперашняга і будучых пакаленняў беларусаў, народаў свету як самы важны маральны арыенцір. Заява падрыхтавана таму, што мы можам быць безудзельныя да спроб перапісаць гісторыю, укінуць у медыйную прастору іншыя ацэнкі. Мы нашчадкі Вялікай Перамогі, і мы прыналежныя да яе праз лёсы бацькоў, дзядоў, і сёння наша чарга несці эстафету памяці», — адзначыла Лілія Ананіч.

Член Пастаяннай камісіі па аграрнай палітыцы Аляксандр Ляўчук нагадаў, што часам беларуская прадукцыя пры экспарце выклікала нараканні. У праекце змяненняў Закона аб ідэнтыфікацыі, рэгістрацыі, прасочваемасці сельскагаспадарчых жывёл (статкаў), ідэнтыфікацыі і прасочваемасці прадуктаў жывёльнага паходжання (ён разглядаўся ў першым чытанні) прадугледжаны меры, якія дазволяць адстаяць інтарэсы айчынных вытворцаў, даказаць, што беларускія тавары цалкам бяспечныя і адпавядаюць сусветным стандартам якасці.

«Гэта дазволіць канкурыраваць на знешніх рынках. На дадзены момант празрыстаcць вядзення жывёлагадоўлі вельмі ўплывае на збыт нашай прадукцыі, і калі будзе ўсё гэта адкрыта, дакладна рэгістравацца і прасочвацца, усе нашы прадукты — якасныя і біябяспечныя — выйдуць не толькі на Мытны саюз, Еўразійскі эканамічны саюз, але і на Еўрапейскі саюз», — падкрэсліў Аляксандр Ляўчук.

Варвара МАРОЗАВА

Прэв'ю: 5.ua

 

Выбар рэдакцыі

Грамадства

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Ад таго, наколькі беражліва людзі ставяцца да прыроды, залежыць якасць іх жыцця, здароўе і нават дабрабыт. 

Грамадства

У зоне павышанай небяспекі. Як працуе выбуховатэхнічны цэнтр унутраных войскаў МУС

У зоне павышанай небяспекі. Як працуе выбуховатэхнічны цэнтр унутраных войскаў МУС

Пра асаблівасці работы мы пагутарылі з намеснікам начальніка ўстановы Максімам Кулем.

Грамадства

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Пахаванне адходаў — самы просты i танны спосаб пазбавiцца ад iх, аднак ён шкодзiць наваколлю i здароўю чалавека.

Грамадства

Новы кантэнт для лета. Чым заняць дзяцей на 92 днi

Новы кантэнт для лета. Чым заняць дзяцей на 92 днi

У перыяд летніх канікулаў для школьнiкаў i студэнтаў падрыхтаваны розныя цiкавыя мерапрыемствы, у тым лiку шмат з iх — анлайн.