Вы тут

Рабочая група АПБ па рукакрылых аднаўляе сваю дзейнасць


Кажаны — адзін з самых цікавых, карысных і загадкавых відаў. Яны адыгрываюць важную ролю ў падтрыманні стабільнасці лясных (і не толькі) экасістэм, бо, знішчаючы велізарную колькасць начных насякомых, выступаюць іх прыродным рэгулятарам. Да таго ж, адчувальнасць кажаноў да змяненняў у навакольным асяроддзі дазваляе выкарыстоўваць іх як экалагічны індыкатар.


Але, на жаль, колькасць кажаноў у Еўропе і Беларусі імкліва скарачаецца. Адна з прычын — гаспадарчая дзейнасць чалавека, у выніку якой яны страчваюць прыдатныя месцы для палявання (лясныя паляны і вадаёмы) і вывядзення патомства (старыя дуплістыя дрэвы). Другая — выкарыстанне пестыцыдаў у сельскай гаспадарцы. Кажаны, якія зімуюць у гарадах, часта трапляюць у небяспеку, сутыкаючыся з чалавекам. Да таго ж нам уласцівае дрэннае і стэрэатыпнае стаўленне да кажаноў.

— Усе кажаны Еўропы знаходзяцца пад аховай закона: яны ўнесены ў Чырвоны спіс Міжнароднага саюза аховы прыроды, а таксама ў дадаткі да Бонскай і Бернскай канвенцый, — расказвае Аляксей Шпак, старшыня Рабочай групы АПБ па рукакрылых. — З 1994 года дзейнічае асобнае Пагадненне аб ахове папуляцый кажаноў Еўропы (UNEP/EUROBATS) і Беларусь зараз рыхтуецца да яго далучыцца.

У нашай краіне налічваецца 19 відаў кажаноў — 25% ад усіх відаў. Тым не менш, гэты атрад быў, бадай, найменш даследаваным з усіх. Але цягам апошніх дзесяцігоддзяў сітуацыя пачала пакрысе выпраўляцца. Цяпер у Беларусі з удзелам Нацыянальнай акадэміі навук і грамадскага аб’яднання «Ахова птушак Бацькаўшчыны» рэалізуецца цэлы шэраг цікавых міжнародных праектаў, сярод якіх вывучэнне кажаноў Палесся, параўнальны генетычны аналіз кажаноў Беларусі і Арменіі, інвентарызацыя іх ключавых месцаў для зімавання. Па выніках плануецца перадаць пад ахову найбольш значныя калоніі і падрыхтаваць прапановы для новага выдання Чырвонай кнігі Беларусі.

З зімы 2018 года працуе першы ў краіне Рэабілітацыйны цэнтр для рукакрылых «Кажанаполіс», а з 2012 года ў супрацоўніцтве з EUROBATS у Мінску штогод праводзіцца акцыя-фестываль «Міжнародная ноч кажаноў».

Далучыцца да Рабочай групы АПБ па рукакрылых запрашаюць усіх, каму цікава ўдзельнічаць у рабоце «Кажанаполіса», правядзенні «Ночы кажаноў» і іншых папулярызацыйных падзеях, у палявых праектах, то бок вывучэнні кажаноў у прыродзе зімой і летам.

Калі ў цябе ёсць свая ініцыятыва, то пішы на адрас batworkinggroup@gmail.com альбо тэлефануй (МТС) +375 29 213 92 57 (Аляксей Шпак, старшыня Рабочай групы АПБ па рукакрылых).

Надзея НІКАЛАЕВА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…