Вы тут

Магчымасці аўтаномнай сеткі 5G SA паказалі ў Мінску


Спецыялісты пратэставалі мадэм 5G кампаніі Huawei, які разганяецца да 1 Гбіт/с. Роўтар атрымлівае трафік па 5G-сетцы і раздае прыладам у доме ці ў офісе па Wi-Fi. Такім чынам можна дасягнуць гігабітных хуткасцяў без оптавалаконных сетак у гарадах і за іх межамі.


Падчас прэзентацыі запусцілі трансляцыю 4K-відэа ў YouTube. Прайграванне было плыўным, перамотка наперад-назад ажыццяўлялася імгненна.

Сярэдняя хуткасць перадачы дадзеных падчас тэстаў дасягала 1,5 Гбіт/с. Апрабавалі ў дзеянні і бесправадныя VR-шлемы, у якіх можна было ажыццявіць віртуальнае падарожжа.

Мабільная сувязь 5G будзе карысная пры анлайн-праглядзе фільмаў і серыялаў у звышвысокім дазволе 4K і 8К. Яна дазволіць таксама ажыццяўляць практычна імгненную загрузку вялікіх аб’ёмаў дадзеных. У будучыні 5G можа стаць асновай для правядзення анлайн-трансляцый спартыўных мерапрыемстваў і канцэртаў з эфектам прысутнасці. Вялікі імпульс да развіцця атрымаюць галаграфічныя выклікі, тэхналогіі віртуальнай і дапоўненай рэальнасці. Чакаецца, што новая тэхналогія дазволіць развіваць робатызаваныя рашэнні, беспілотны транспарт, «разумныя гарады».

Дэманстрацыйная зона была разгорнута і прадэманстравана ў двух частотных дыяпазонах 1800 МГц і 3500 МГц.

«Тэставы запуск 5G SA ў Мінску — гэта не проста дэманстрацыя магчымасцяў. Мы ацанілі тэхналагічны патэнцыял сетак пятага пакалення, які, калі шчыра, перасягнуў нашы чаканні. Зараз мы гатовыя маштабіраваць 5G і пры атрыманні дазволу і ліцэнзіі даць абанентам гіперхуткасную сувязь па ўсёй краіне. Гэта будзе вялікі крок у будучыню», — падкрэслілі ў МТС.

Тэхналогіяй змогуць карыстацца ўладальнікі смартфонаў з падтрымкай сеткі 5G SA — ужо цяпер іх больш за тысячу ў сетцы МТС.

Надзея НІКАЛАЕВА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.