Вы тут

Развiццё экалагiчнай адукацыi — бесперапынны працэс


Любоў да прыроды i экалагiчную адказнасць трэба выхоўваць з дзяцiнства. Потым зрабiць гэта будзе цяжэй. Менавiта таму ўдасканаленне адукацыi ў галiне навакольнага асяроддзя — найважнейшы прыярытэт нацыянальнага развiцця.


Асновы «зялёнага» выхавання дзяцей у нашай краiне пачалi фармiравацца даволi даўно. Напрыклад, у Рэспублiканскай праграме па адукацыi ў галiне навакольнага асяроддзя на 1991—1995 гады, адобранай пастановай Савета Мiнiстраў БССР ад 14 сакавiка 1991 года № 85, упершыню на дзяржаўным узроўнi экалагiчная адукацыя разглядалася як адзiны бесперапынны працэс ва ўсiх формах навучання, пачынаючы з дашкольнага выхавання i заканчваючы перападрыхтоўкай i павышэннем квалiфiкацыi. Сур'ёзнае развiццё экалагiчная асвета атрымала ў вынiку рэалiзацыi Канцэпцыi адукацыi ў галiне навакольнага асяроддзя i Рэспублiканскай праграмы ўдасканалення адукацыi ў галiне навакольнага асяроддзя (1999 г.). Экалагiчная накiраванасць адукацыi дэкларавана ў якасцi аднаго з прынцыпаў дзяржаўнай палiтыкi нашай краiны, што знайшло сваё адлюстраванне ў Кодэксе аб адукацыi. Пытаннi «зялёнага» выхавання i iнфармавання насельнiцтва ўвайшлi асобным раздзелам у Нацыянальную стратэгiю сацыяльна-эканамiчнага развiцця Рэспублiкi Беларусь на перыяд да 2020 года.

— Атрымлiваецца, дзецям, з якiмi мы пачалi працаваць па экалагiчным кiрунку, ужо каля 30 гадоў! I гэтыя маладыя людзi перадаюць атрыманыя веды сваiм дзецям. Прыемна назiраць за мамамi i татамi, якiя старанна i цярплiва вучаць сваiх дзяцей правiльна сартаваць адходы каля кантэйнерных пляцовак, — падкрэслiла намеснiк начальнiка ўпраўлення аналiтычнай работы, навукi i iнфармацыi Мiнпрыроды Алена МЕЛЯШКОВА.

Можна сказаць, на новыя рэйкi беларускае выхаванне дзяцей i моладзi стала дзякуючы адукацыйнаму праекту «Зялёныя школы», якi пачаў рэалiзоўвацца ў нашай краiне яшчэ з 2010 года. Магутны iмпульс для развiцця ён атрымаў у 2018 годзе ў рамках праекта мiжнароднай тэхнiчнай дапамогi «Уцягванне грамадскасцi ў экалагiчны манiторынг i паляпшэнне кiравання аховай навакольнага асяроддзя на мясцовым узроўнi», што фiнансуецца ЕС, рэалiзуецца ПРААН у партнёрстве з Мiнпрыроды. Сёння адукацыйны праект «Зялёныя школы» ахоплiвае ўсе вобласцi нашай краiны i горад Мiнск. У чэрвенi 2019 года Мiнiстэрствам адукацыi i Мiнiстэрствам прыродных рэсурсаў i аховы навакольнага асяроддзя зацверджана перапрацаванае i дапоўненае Палажэнне аб яго рэалiзацыi.

— Унiкальнасць адукацыйнага праекта «Зялёныя школы» — гэта комплекснае вывучэнне экалагiчных пытанняў па шасцi кiрунках: бiяразнастайнасць, энергазберажэнне, водазберажэнне, абыходжанне з адходамi, якасць атмасфернага паветра i iнфармацыйна-экалагiчная работа. Як вядома, у праграме агульнай сярэдняй адукацыi пакуль няма адмысловага прадмета на тэму экалогii. Перад намi пастаўлена задача дастукацца да кожнай установы адукацыi i расказаць, што ёсць такi праект. У нас створаны асноўны рэсурсны цэнтр па «зялёных» школах — Рэспублiканскi цэнтр экалогii i краязнаўства, падобныя рэсурсныя цэнтры адкрыты i ў кожнай вобласцi, куды ўсе ахвотныя могуць звяртацца па iнфармацыю i дапамогу, — адзначыла кiраўнiк праекта Вольга ЧАБРОЎСКАЯ. — Адно з самых вялiкiх нашых дасягненняў заключаецца ў тым, што мы змаглi адаптаваць праграму для дашкольных устаноў i распрацавалi для iх першы дапаможнiк па рэалiзацыi праекта, аналагаў якому няма ў Беларусi. Такiм чынам мы спрабуем забяспечыць бесперапыннае экалагiчнае выхаванне ў нашай краiне.

У 2019 годзе статус «Зялёная школа» атрымалi 57 устаноў адукацыi, яшчэ каля 300 рэалiзуюць гэты адукацыйны праект.

Кацярына ЦIТОВА

Прэв’ю: riakursk.ru

Загаловак у газеце: Крок за крокам

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.