22 верасня, аўторак

Вы тут

Ярмошына: Чэргі ля выбарчых участкаў — вынік правакацыі


Чэргі ля выбарчых участкаў — вынік правакацыі. Пра гэта ў эфіры СТБ заявіла старшыня ЦВК Лідзія Ярмошына, цытуе БЕЛТА.


Каментуючы сітуацыю з чэргамі, Лідзія Ярмошына падкрэсліла, што «ўсё было б нармальна, калі б не наўмысныя правакацыі, якім навучаўся так званы пратэстны электарат праз Telegram-каналы».

«Чаму навучалі гэты пратэстны электарат? Прыйдзіце і займіце кабіну на паўгадзіны. І так адбываецца. З-за гэтага прапускная здольнасць выбарчых участкаў вельмі невялікая», — канстатавала кіраўнік ЦВК. Дзеянні гэтых людзей старшыня ЦВК назвала самым сапраўдным сабатажам, арганізаванай правакацыяй. «Менавіта гэта прывяло да таго, што каля выбарчых участкаў сабраліся вельмі вялікія чэргі», — лічыць Лідзія Ярмошына.

«Гэта ўсё распрацоўваецца паліттэхнолагамі, блізкімі і, уласна кажучы, якія фінансіруюцца з былога перадвыбарчага штаба Бабарыкі», — выказала меркаванне кіраўнік Цэнтрвыбаркама.

Акрамя таго, сёння на ўчастках назіраецца наўмыснае псаванне бюлетэняў. «Псуюць адзін, прыходзяць атрымаць другі, псуюць зноў. Выбарчыя камісіі не валодаюць такім рэзервам бюлетэняў. Гэта таксама правакацыя», — сказала Лідзія Ярмошына.

Яна ўпэўненая, што і без таго вялікая яўка была б яшчэ больш, калі б людзей проста не ўтрымлівалі на ўваходзе. «Іх не пускаюць гэтыя сабатажнікі. Вось сіла пратэстнага электарату, яго свядомасць, стаўленне, сумленнасць у адносінах да сваёй дзяржавы. Ну і, напэўна, сумленнасць таго кандыдата, якога яны падтрымліваюць. Гэта поўная безадказнасць, якая па сутнасці справы вядзе да таго, што выбаршчыкі не змогуць прагаласаваць», — перасцерагла старшыня ЦВК.

Лідзія Ярмошына нагадала, што выбарчыя ўчасткі ў любым выпадку зачыняцца ў 20.00. «І выбары будуць прызнаныя ўсё роўна. Нягледзячы ні на якія дзеянні, накіраваныя на іх зрыў і дыскрэдытацыю», — рэзюмавала кіраўнік Цэнтрвыбаркама.

Прэв’ю: БЕЛТА

Выбар рэдакцыі

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.