Сёлета Беларускім студэнцкім атрадам спаўняецца 60 гадоў. З такой нагоды БРСМ запрасіў журналістаў на прэс-мерапрыемства, прысвечанае юбілею, а таксама рэспубліканскаму адкрыццю трэцяга працоўнага семестра 2023 года.
Занятасць — адзін з прыярытэтаў сацыяльна-эканамічнага развіцця дзяржавы. Арганічнай часткай сістэмы працаўладкавання ў нашай краіне сталі студэнцкія атрады БРСМ, якія нясуць у сабе працоўны і выхаваўчы зарад. Яны не проста даюць маладому чалавеку магчымасць зарабіць свае першыя грошы, але і дазваляюць зарыентавацца прафесійна, атрымаць першыя працоўныя навыкі і дадатковую спецыяльнасць.
Для многіх хлопцаў і дзяўчат студэнцкі атрад становіцца школай дарослага жыцця і судакрананнем з непарушнымі каштоўнасцямі і духоўна-маральнымі ідэаламі: ініцыятыўнасцю і самастойнасцю, камандным духам і сапраўдным сяброўствам, перамогамі і перажываннямі, святамі і буднямі. Праект перадае традыцыі дзелавых і чалавечых узаемаадносін, фарміруе патрыётаў і грамадзян сваёй краіны.
Дзякуючы асабістай увазе Прэзідэнта Рэспублікі Беларусь наша краіна стала першай на постсавецкай прасторы, у якой на дзяржаўным узроўні студэнцкія атрады атрымалі заканадаўчую падтрымку і здолелі заваяваць аўтарытэт сярод моладзі.
Студатрадаўскі рух — адзін з вядучых напрамкаў дзейнасці Саюза моладзі. Пачынаючы з 2003 года, у складзе студэнцкіх атрадаў пад патранатам БРСМ працаўладкавана больш за 741 тысячу юнакоў і дзяўчат — студэнтаў, навучэнцаў сярэдніх спецыяльных устаноў адукацыі, школьнікаў.
Як было сказана падчас мерапрыемства, у Год міру і стваральнай працы і 60-годдзя Беларускіх студэнцкіх атрадаў асаблівая ўвага будзе ўдзелена фарміраванню ідэалогіі студатрадаўскага руху (каштоўнасцям, традыцыям, культуры руху) і іміджу студэнцкіх атрадаў як надзейнага і кваліфікаванага партнёра наймальнікаў.
Сяргей СТАРЫНАЎ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.