Маладая жанчына замест таго, каб аплаціць дарагі рамонт свайго аўто, купіла з рук дакумент, які пацвярджае праходжанне яе машынай дзяржтэхагляду.
— Уладальніца «колаў» на сталічным рынку звярнулася да незнаёмца з просьбай усё арганізаваць, вядома, не за дзякуй. І літаральна праз гадзіну сертыфікат з неабходнымі штампамі быў у руках аўтааматаркі. Потым яна сама ўнесла неабходныя запісы, пазначыўшы тэрмін праходжання чарговага тэхнічнага агляду, — паведаміла «Звяздзе» Алена Мацяйковіч, старшы памочнік пракурора Чашніцкага раёна. Дама ўжо стала забываць аб праблемах з тэхаглядам, смела дазваляла ездзіць на машыне мужу, бацьку, брату. Але аднойчы на дарозе адбылася непрыемная для яе сустрэча з супрацоўнікам ДАІ. Чалавек у форме без праблем распазнаў фальшыўку.
Нядаўна свой вердыкт вынес суд. Аўтааматарку прызналі вінаватай у падробцы афіцыйнага дакумента. Пайшоўшы на падман у надзеі пазбегнуць дарагога рамонту аўто, жанчына і не думала, што давядзецца заплаціць вялікую суму штрафу — 8 мільёнаў рублёў. А «Мерседэс» судом вырашана пакінуць пад арыштам — да вырашэння пытання аб добраахвотнай выплаце названай сумы.
Аляксандр ПУКШАНСКІ.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.