Удельная вага дабаўленага кошту, створаная сферай паслуг у кітайскім ВУП, па выніках трох кварталаў вырасла да 52,8% (51,2% у студзені-верасні мінулага года). Гэта на 13,3 працэнтнага пункта вышэй за паказчык прамысловага сектара, што сведчыць пра паляпшэнне структуры эканомікі, заявіў афіцыйны прадстаўнік Дзяржаўнага статыстычнага ўпраўлення Шэн Лайюнь, перадае "Жэньмінь жыбаа" анлайн".
Прадстаўляючы вынікі развіцця народнай гаспадаркі за першыя тры кварталы, ён у якасці прыкмет паляпшэння яе якасных характарыстык назваў павелічэнне ўкладу канчатковых спажывецкіх расходаў у прырост ВУП да 71 працэнтаў з 57,7 % у студзені-верасні мінулага года. Прадстаўнік Дзяржстата не абышоў увагай і хуткі рост новых сектараў: іх тэмпы росту дасягнулі 10,8 %, тады як прамысловыя прадпрыемствы прадэманстравалі ажыўленне дынамікі толькі на 6 працэнтаў. Яшчэ адзін станоўчы фактар - зніжэнне ўдзельнай энергаёмістасці ВУП на 5,2 %. Пры гэтым доля экалагічна чыстых крыніц, уключаючы гідра-, ветра-, атамную энергетыку і прыродны газ, у структуры энергаспажывання ўзрасла да 19,3 %, набраўшы ў гадавым вымярэньні 1,7 працэнтных пункта.
Пазітыўныя зрухі мелі месца і ў рэформах, накіраваных на павышэнне эфектыўнасці прапановы, заявіў Шэн Лайюнь. Прыведзеныя ім дадзеныя паказваюць: аб'ём здабычы вугалю ў параўнанні са студзенем-вераснем мінулага года знізіўся на 10,5 %, знізіўся таксама ўзровень затаваранасці гатовай прадукцыяй у прамысловых прадпрыемстваў і на рынку камерцыйнай нерухомасці, пры гэтым памяншэнне плошчы непрададзенай камерцыйнай нерухомасці, якое пачалося ў сакавіку, назіралася на працягу 7 месяцаў запар. Шэн Лайюнь таксама адзначыў істотны рост інвестыцый у прыродаахоўны, водагаспадарчы і аграрны сектары - адпаведна, на 43,4; 20,5 і 20,1 працэнта, што значна перасягнула тэмпы росту інвестыцый у асноўныя фонды ў цэлым.
Сумесныя праекты ядзерных тэхналогій.
