Вы тут

Пройдзе першая віртуальная выстава беларускіх вытворцаў Made in Belarus #AgroFood


СП ААТ «Спартак», СААТ «Камунарка» і Гомельскі тлушчавы камбінат прымуць удзел у першай віртуальнай выставе беларускіх вытворцаў Made in Belarus #AgroFood. Яна пачне работу 16 чэрвеня, паведамляе дзяржаўны канцэрн «Белдзяржхарчпрам».


На ёй будзе прадстаўлена прадукцыя вядучых беларускіх прадпрыемстваў у галіне сельскай гаспадаркі і прадуктаў харчавання. Мерапрыемства адкрые серыю віртуальных спецыялізаваных выстаў Made in Belarus Online, прысвечаным розным галінам прамысловасці і скіраваных на прэзентацыю беларускай прадукцыі і паслуг дзелавым колам у розных рэгіёнах свету.

Глабальная санітарна-эпідэміялагічная сітуацыя стварае неабходнасць выдаленай працы для бізнесу ў шэрагу краін. У гэтых умовах, а таксама з улікам пераносу традыцыйных выстаў на пазнейшыя тэрміны, віртуальная альтэрнатыва можа стаць зручным часовым рашэннем — пляцоўкай, якая дазволіць прадставіць глабальнай бізнес-аўдыторыі навінкі беларускай вытворчасці і знайсці дзелавых партнёраў, зацікаўленых у набыцці прадукцыі.

Выстава будзе ўяўляць сабой інтэрактыўную экспазіцыю, якая складаецца з віртуальных стэндаў беларускіх прадпрыемстваў. На кожным будуць размешчаны віртуальныя ўзоры прадукцыі, відэаролікі, дзелавыя прапановы. Наведвальнікі стэндаў змогуць азнаёміцца з персанальным відэа-прывітаннем і пагутарыць з прадстаўніком прадпрыемства з дапамогай тэкставага чата. Уся інфармацыя будзе прадстаўлена на рускай і англійскай мовах.

У павільёне Agro будуць прадстаўлены сельскагаспадарчая тэхніка і абсталяванне, тэхналогіі і распрацоўкі ў сферы сельскай гаспадаркі, угнаенні і сродкі абароны раслін; павільён Food прадэманструе прадукты харчавання і напоі.

Чакаецца, што выставу наведае больш за пяць тысяч прадстаўнікоў дзелавых колаў і дзяржаўных структур Азербайджана, Арменіі, Беларусі, Грузіі, Казахстана, Кыргызстана, Расіі, Таджыкістана, Узбекістана і Украіны — краін, выбраных арганізатарам мерапрыемства для правядзення таргеціраванай рэкламы і прасоўвання. У той жа час ужо зараз да выставы праяўляюць цікавасць прадстаўнікі бізнесу з Кітая і краін Лацінскай Амерыкі, таму ёсць падставы чакаць, што аўдыторыя мерапрыемствы ўключыць у сябе і шэраг іншых краін. Наведванне выставы — бясплатнае (з абавязковай рэгістрацыяй).

У рамках выставы пройдзе Міжнародны аграрны анлайн-форум, дзе адбудзецца абмеркаванне бягучай сітуацыі ў сельскагаспадарчай і знешнегандлёвай сферы з удзелам прадстаўнікоў дзяржаўных органаў і прадпрыемстваў з розных краін.

Шырокае кола беларускіх арганізацый і прадпрыемстваў, зацікаўленых у пашырэнні экспарту, атрымае магчымасць прадэманстраваць сваю прадукцыю і паслугі на выставе. 
Генеральным партнёрам выставы Made in Belarus #AgroFood з’яўляецца Мінскі малочны завод № 1, партнёрам — СТАА «Гейм Стрым» — Мінскі цэнтр распрацоўкі World of Tanks.
Арганізатар серыі віртуальных выстаў Made in Belarus Online — прадпрыемства «Белінтэрэкспа» Беларускай гандлёва-прамысловай палаты, якое за час свайго існавання правяло звыш 250 выстаў і экспазіцый у 60 краінах свету. Першая віртуальная выстава Made in Belarus #AgroFood праводзіцца пры падтрымцы і ўдзеле галіновых міністэрстваў і бізнес-асацыяцый Беларусі і іншых краін.

У ліпені і жніўні 2020 года пройдуць віртуальныя выставы Made in Belarus #Build і Made in Belarus #TechMach, прысвечаныя дэманстрацыі прадукцыі, паслуг і навуковых распрацовак у галіне будаўніцтва і дрэваапрацоўкі, машынабудавання і металаапрацоўкі, электратэхнікі, аўтаматызацыі, прыборабудавання, здабыўной прамысловасці, нафтахіміі і экалогіі.

Сяргей РАСОЛЬКА

Прэв'ю: cci.by

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.