Вы тут

Правядзенне VІ Усебеларускага народнага сходу плануецца на 11–12 лютага


Пра тое, заявіў Прэзідэнт Беларусі Аляксандр Лукашэнка 28 снежня ў Палацы Незалежнасці. Там праходзіла нарада, на якой абмяркоўваліся пытанні падрыхтоўкі й правядзення ўсенароднага форуму. Паўдзельнічалі ў нарадзе спікеры беларускага Парламента, Прэм’ер-міністр, кіраўніцтва Адміністрацыі Прэзідэнта Беларусі.


Нарада ў Прэзідэнта. Фота БЕЛТА

Кіраўнік дзяржавы адзначыў, што гэты народны сход стане найважнейшым форумам пяцігоддзя: “І паколькі вялікае бачыцца на адлегласці, то праз некаторы час мы, можа, зразумеем, што гэта найважнейшы форум і ў гісторыі нашага народа. У сілу таго моманту, які краіна перажывае”.

Па сутнасці, пачалі працаваць рэспубліканскі ды рэгіянальныя аргкамітэты, з 29 снежня ідзе абранне дэлегатаў. Як падкрэсліў Прэзідэнт, гэта павінны быць людзі, якія прадстаўляюць усе пласты й групы нашага насельніцтва, увесь беларускі народ. Так было заўсёды, пачынаючы з 1996 года, калі праводзіўся першы Усебеларускі з’езд. Згадваючы тое, Прэзідэнт адзначыў: “Тады было таксама няпроста, добра памятаеце: нагняталася супрацьстаянне, але мы змаглі аб’яднаць людзей і накіраваць энергію грамадства на карысць краіны. Шчыра кажучы, першаму Усебеларускаму народнаму сходу належала выратаваць сітуацыю ў той час, абараніць краіну, і ў тым яго гістарычная роля й сутнасць. І гэты орган прамога народаўладдзя сыграў важную ролю”.

Сёння ж, адзначыў Прэзідэнт, таксама няпросты час для краіны, магчыма, яшчэ больш неадназначны. Бо такога знешняга ціску Беларусь не адчувала ніколі: “У тым асаблівасць цяперашняга перыяду й цяперашняга Усебеларускага народнага сходу. Тады было няпроста, але такога знешняга ціску не было. Усе велізарныя краіны былі занятыя сваімі праблемамі”.

Традыцыйна ўжо на Усебеларускім народным сходзе будуць падведзены вынікі пяцігодкі: чаго дасягнулі, што не атрымалася й чаму. Дэлегаты разгледзяць Праграму сацыяльна-эканамічнага развіцця на 2021–2025 гады, ацэняць механізмы, з дапамогай якіх прапануецца забяспечыць эканамічны рост і захаваць мадэль сацыяльнай дзяржавы ў найскладаных знешніх умовах. Кіраўнік дзяржавы, кажучы пра тое, адзначыў: “Мы выдатна разумеем, што геапалітычнае ды эканамічнае супрацьстаянне будзе нарастаць, ды й пандэмія ў бліжэйшы час нікуды не дзенецца”. І важна, падкрэсліў Аляксандр Лукашэнка, каб усе новаўвядзенні, якія будуць прапаноўвацца на сходзе, служылі беларусам ды іх дабрабыту: “Ніякіх рашэнняў ва ўгоду замежным “дарадцам” з іх тутэйшымі прыхільнікамі быць не павінна! Вакол гэтых галоўных пастулатаў неабходна будаваць і канцэпцыю асноўнага дакладу, і яго абмеркаванне. Людзі павінны ад улады пачуць пра галоўныя напрамкі нашага развіцця на будучую пяцігодку, пабачыць аналіз пройдзенага. І тыя два пытанні — эканамічныя і сацыяльна-палітычныя — павінны прагучаць. Нашы бачанне й прапановы ўдзельнікаў сходу павінны быць канкрэтнымі, адлюстроўваць рэальныя праблемы й спадзяванні людзей. Нам не патрэбныя адарваныя ад жыцця тэорыі. Патрэбен адказ на існуючыя запыты грамадства. Пры тым варта вывучыць найшырокі спектр меркаванняў, развагаў нашых грамадзян”.

Кіраўнік дзяржавы нагадаў, што ў перыяд падрыхтоўкі да Усебеларускага народнага сходу ў краіне арганізаваны шырокі грамадскі дыялог. У рэгіёнах, працоўных калектывах, ВНУ абмяркоўваюцца асноўныя напрамкі развіцця краіны. Працуюць грамадскія прыёмныя, дзе кожны ахвочы можа выказаць сваё меркаванне, унесці прапановы. “Сёння выказацца можа кожны. Гэта ж і ёсць плюралізм меркаванняў, неабходны для прыняцця правільных кіраўнічых рашэнняў, выбудоўвання эфектыўнага балансу паміж інтарэсамі дзяржавы й грамадства”, — падсумаваў Аляксандр Лукашэнка.

Падрыхтаваў Іван Ждановіч

Нумар у фармаце PDF

Выбар рэдакцыі

Грамадства

Беларускі Чырвоны Крыж працягвае аказваць дапамогу падчас пандэміі і іншых надзвычайных сітуацый

Беларускі Чырвоны Крыж працягвае аказваць дапамогу падчас пандэміі і іншых надзвычайных сітуацый

Каля мільёна чалавек атрымала падтрымку ў выглядзе прадуктовых набораў, ваўчараў, якія можна было «атаварыць», грашовых сродкаў, дастаўкі прадуктаў на дом, а таксама простай размовы па тэлефоне «гарачай лініі» са спецыялістам.

Грамадства

Матывацыя праз гейміфікацыю, або як працуюць механізмы гульні ў адукацыі

Матывацыя праз гейміфікацыю, або як працуюць механізмы гульні ў адукацыі

Вядома, што гульня здольная захапіць усю ўвагу чалавека і не адпускаць яе доўгі час.

Культура

Падмурак Трэцяга Рэнесансу закладваецца ва Узбекістане

Падмурак Трэцяга Рэнесансу закладваецца ва Узбекістане

У Ташкенце прайшлі Тыдзень культурнай спадчыны Узбекістана і ІV Міжнародны кангрэс Сусветнага таварыства па вывучэнні, захаванні і папулярызацыі культурнай спадчыны Узбекістана «Культурная спадчына Узбекістана — падмурак новага Рэнесансу».

Грамадства

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елкі, вывезеныя на смеццевыя палігоны, падчас гніення выдзяляюць у асяроддзе шкодныя рэчывы не горш за пластык.