У жыхара Бабруйска канфіскавалі амаль 2 кг марыхуаны

У жыхара Бабруйска канфіскавалі амаль 2 кг марыхуаны, паведамілі ва УУС Магілёўскага аблвыканкама.

Супрацоўнікі па наркакантролі і супрацьдзеянні гандлю людзьмі УУС Бабруйскага гарвыканкама 12 кастрычніка падчас аператыўна-вышуковых мерапрыемстваў пры падтрымцы АМАПу па месцы жыхарства 42-гадовага рабочага адной з арганізацый горада, раней не судзімага, выявілі і канфіскавалі амаль 2 кг марыхуаны.

Следчымі дадзена прававая ацэнка, у дачыненні да бабруйчаніна ўзбуджана крымінальная справа.