Сёння адбылося пасяджэнне міжведамаснай рабочай групы па пытанні стварэння твораў манументальнага мастацтва патрыятычнай накіраванасці. Былі разгледжаны і абмеркаваны эскізныя праекты памятнага знака, прысвечанага адзінству беларускага народа, што будзе ўстаноўлены на Кастрычніцкай плошчы ў г.Мінску, паведамляе Міністэрства культуры.
Свае працы прадставілі сем скульптараў і аўтарскіх калектываў. «Бачная каласальная праца, ваша энергетыка ў дадзеных эскізах, ваша бачанне. Самае галоўнае, што гэта пазітыўнае бачанне і жыццесцвярджальнае, адлюстроўвае нашу вялікую гісторыю і падкрэслівае сучаснае жыццё. Вялікі вам дзякуй», — з такімі словамі звярнуўся да скульптараў міністр культуры Анатоль Маркевіч.
Эксперты, прысутныя на пасяджэнні, выказаліся аб прадстаўленых працах. Дадзены рэкамендацыі. У бліжэйшай перспектыве — прыняцце канчатковага рашэння і падрыхтоўчыя работы па стварэнні памятнага знака.
Фота Міністэрства культуры
Сумесныя праекты ядзерных тэхналогій.