Вы тут

Галоўбух са Смаргоні больш за 10 гадоў налічвала сабе павышаны заробак


Аператыўнікі Маладзечанскага РАУС выявілі злачынны характар “заробку” 55-гадовай жыхаркі Смаргоні, паведамілі ў МУС.


Як стала вядома, галоўны бухгалтар мясцовага прадпрыемства па забеспячэнні палівам незаконна павялічвала свой даход з 2011-га па 2022 год і перадавала ў банк ілжывыя дадзеныя пра памер выплат. У першыя пяць гадоў зламысніца штомесяц дадавала сабе да афіцыйнага заробку Br200-300, пазней даплаты сталі павялічвацца і перавысілі Br1000.

У выніку жанчына завалодала сродкамі прадпрыемства на суму каля Br61 тыс. Грошы яна выдаткоўвала на асабістыя патрэбы.

Распачата крымінальная справа за крадзеж шляхам злоўжывання службовымі паўнамоцтвамі, здзейснены ў асабліва буйным памеры. Фігурантцы пагражае да 12 гадоў пазбаўлення волі.

Прэв’ю: pixabay.com

Выбар рэдакцыі

Жыллё

Аднапакаёвыя кватэры імкліва даражэюць

Аднапакаёвыя кватэры імкліва даражэюць

Прычына — даступныя крэдыты і ажыятажны попыт.

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.