У Белдзяржуніверсітэце стартуе новы сезон “Тэатральнага куфара”

У БДУ абвешчаны прыём заявак на ўдзел у XVI Міжнародным фестывалі студэнцкіх тэатраў “Тэатральны куфар —2019”.

Міжнародны фестываль студэнцкіх тэатраў “Тэатральны куфар” праводзіцца штогод,  пачынаючы з 2004-га, з мэтай аб'яднання таленавітай і актыўнай моладзі з усяго свету. За гэты час яго ўдзельнікамі сталі студэнцкія тэатральныя калектывы больш чым з 45 краін. Ён з'яўляецца адзіным у Беларусі Міжнародным фестывалем студэнцкіх тэатраў і адным з самых вядомых ва Усходняй Еўропе.

Мінулы сезон юбілейнага “Тэатральнага куфара” сабраў больш за 250 артыстаў з 12 краін: Беларусі, Вялікабрытаніі, Грузіі, Ізраіля, Ірана, Латвіі, Літвы, Польшчы, Расіі, Сербіі, Узбекістана і Харватыі.

Прыём заявак будзе весціся да 1 сакавіка ўключна. Запоўніць анкету, тэхнічную карту, пагадненне, а таксама даведацца аб правілах фестывалю і ўмовах удзелу ў ім можна тут. 

У гэтым годзе спектаклі гледачы ўбачаць з 18 па 25 лістапада.

Надзея НІКАЛАЕВА