Рэгіянальная серыя спаборніцтваў пад назвай “Бітва гарадоў” пройдзе ва ўсіх абласных гарадах Беларусі.
Беларуская федэрацыя кіберспорту ў партнёрстве з сеткай крам электронікі і бытавой тэхнікі “5 элемент” пры падтрымцы Беларускага рэспубліканскага саюза моладзі аб'яўляе пра старт новай серыі адборачных спаборніцтваў пад назвай “Бітва гарадоў”. Яны пройдуць у Віцебску, Брэсце, Гродне, Гомелі і Магілёве. Тым самым у рэгіянальных каманды з'явіцца ўнікальны шанец заявіць пра сябе і прадставіць сваю вобласць на Гранд-фінале ў Мінску.
“Бітва гарадоў” будзе складацца з пяці адборачных турніраў і Гранд-фіналу. Адпраўной кропкай для новага чэмпіянату стане Віцебск. Лепшы калектыў па выніках віцебскіх кваліфікацый атрымае пуцёўку ў фінальную стадыю і магчымасць пазмагацца за прызавы фонд у 6000 рублёў.
Удзельнікі спаборніцтваў будуць паказваць сваё майстэрства на спецыяльных гульнявых камп’ютарах з прафесійным абсталяваннем, цалкам адпаведным сусветнай спецыфікацыі.
“Бітва гарадоў” — рэгіянальная серыя турніраў у некалькіх дысцыплінах, арганізаваная Беларускай федэрацыяй кіберспорту. Галоўнай мэтай праекту з'яўляецца папулярызацыя кіберспорту ў краіне, а таксама павышэнне прафесійнага ўзроўню і ўцягнутасці беларускіх кіберспартсменаў.
Сяргей РАСОЛЬКА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
