На базе паліцэйскіх сабак пры Упраўленні грамадскай бяспекі Пекіна шэсць кланаваных сабак афіцыйна ўступілі ў шэрагі паліцыі, перадае “Жэньмінь жыбаа” анлайн”.
У пачатку гэтага года база наладзіла супрацоўніцтва з кампаніяй Sinogene, каб вырасціць высакаякасных службовых сабак з дапамогай тэхналогіі кланавання саматычных клетак. Спачатку кланавалі двух бельгійскіх аўчарак малінуа. У пачатку жніўня шэсць кланаваных сабак нарадзіліся адна за адной. Па тэхнічнай экспертызе базы паліцэйскіх сабак горада Нанчан больш за 99% іх ДНК супадаюць з донарамі. Зараз кланаваных сабакам ужо чатыры месяцы. Іх сярэдняя вага перавысіла 15кг., сярэдняя даўжыня - 52 см. Акрамя знешняга выгляду, яны таксама вельмі падобныя па здольнасці да навучання і памяці, цікаўнасці, смеласці.
Па словах прадстаўніка базы паліцэйскіх сабак Упраўлення грамадскай бяспекі Пекіна, наступным крокам стануць трэніроўкі і навучанне сабак. Акрамя таго, трэба пачаць супрацоўніцтва з кампаніямі па масавым кланаванні службовых сабак, стварэнню базы дадзеных клетак гэтых жывёл, каб масава іх разводзіць і прымяняць з дапамогай сучаснай геннай інжынерыі.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
