Удзельнікамі спаборніцтва стануць каля 500 навучэнцаў дзевятага, дзесятага і адзінаццатага класаў са 113 школ, гімназій і ліцэяў сталіцы і Мінскага раёна.
Конкурс уключае 15 заданняў крэатыўнага характару па рускай і беларускай мовах. На працягу двух з паловай гадзін школьнікі будуць працаваць з лінгвістычнымі галаваломкамі. Крытэрыямі ацэнкі выступаюць нестандартнасць мыслення, уменне рэфлексаваць, а таксама пазнавальныя, творчыя і арганізацыйныя якасці канкурсантаў.
Па выніках “Гульні слоў” будуць вызначаны дзевяць пераможцаў. Іх узнагародзіць дэкан філалагічнага факультэта Іван Роўда, уручыць ім падзячныя лісты, навучальныя дапаможнікі і памятныя падарункі. Для ўсіх удзельнікаў будзе арганізавана экскурсія па факультэце, дзе школьнікі змогуць уявіць сябе будучымі студэнтамі БДУ.
Арганізатарам конкурсу выступае кафедра рускай мовы пры падтрымцы Савета маладых навукоўцаў філалагічнага факультэта БДУ. Мерапрыемства праводзіцца з мэтай папулярызацыі лінгвістычных навук, развіцця моўных кампетэнцый у школьнікаў, а таксама ўмацавання сувязі паміж вышэйшай і сярэдняй школай.
Надзея НІКАЛАЕВА
Прэв'ю: newtonew.com
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
