Андрэй Бязлепкін, настаўнік фізічнай культуры і здароўя ліцэя пры магілёўскім Беларуска-Расійскім універсітэце, стаў пераможцам трэцяга этапу конкурсу прафесійнага майстэрства педагагічных работнікаў «Настаўнік года Рэспублікі Беларусь» і прызнаны найлепшым настаўнікам Магілёўскай вобласці.
У фінале конкурсу, які праводзіўся галоўным упраўленнем адукацыі аблвыканкама сумесна з дзяржаўным абласным інстытутам развіцця адукацыі, удзельнічалі 40 чалавек з ліку настаўнікаў і работнікаў устаноў дашкольнай адукацыі з усёй вобласці. Яны дзяліліся вопытам сваёй работы, дэманстравалі на практыцы валоданне сучаснымі сродкамі навучання, праводзілі адкрытыя ўрокі ў незнаёмых класах, дэманстравалі калегам майстар-класы. Журы ацэньвала як прафесійныя, так і творчыя здольнасці педагогаў. У кожнай з васьмі намінацый — настаўнік года па адпаведным вучэбным прадмеце і выхавальнік дашкольнай адукацыі — вызначыліся пераможцы і лаўрэаты. Пераможцы-прадметнікі, у тым ліку і абсалютны пераможца конкурсу Андрэй Бязлепкін, будуць прадстаўляць Магілёўскую вобласць на рэспубліканскім этапе.
Нэлі ЗІГУЛЯ
Прэв'ю: alfajrhomeschool.com
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
