АСЕАН абышла Еўрасаюз

Кітай на працягу 10 гадоў запар з’яўляецца найбуйнейшым гандлёвым партнёрам Асацыяцыі дзяржаў Паўднёва-Усходняй Азіі (АСЕАН). Летась АСЕАН стала другім найбуйнейшым гандлёвым партнёрам КНР, перадае «Жэньмінь жыбаа» анлайн». .

За першыя два месяцы ў гэтым годзе, нягледзячы на ўплыў эпідэміі, аб’ём тавараабароту паміж Кітаем і АСЕАН дасягнуў 594,11 млрд. юаняў, АСЕАН абышла Еўрапейскі Саюз, упершыню ў гісторыі стаўшы найбуйнейшым гандлёвым партнёрам Кітая. Па дадзеных Галоўнага мытнага ўпраўлення КНР, цягам студзеня-мая, аб’ём знешнегандлёвага абароту паміж Кітаем і АСЕАН склаў 1,7 трлн. юаняў, што на 4.2% больш у параўнанні з аналагічным перыядам у мінулым годзе, гэты аб’ём дасягнуў 14.7% ад агульнага знешнегандлёвага абароту КНР. У прыватнасці, маштаб экспарту з Кітая ў АСЕАН склаў 936,62 млрд. юаняў, рост — 2.8%, а аб’ём імпарту з АСЕАН у Кітай дасягнуў 759,86 млрд. юаняў, рост — 6%, што ў цэлым вышэй агульных тэмпаў росту экспарту і імпарту знешняга гандлю КНР за аналагічны перыяд.

«Пры ўмове, калі эпідэмія моцна абмяжоўвае гандлёвыя кантакты, такі тэмп росту гандлю паміж Кітаем і АСЕАН быў дасягнуты няпроста», — адзначыў намеснік начальніка Міжнароднай гандлёвай палаты Кітая Чжан І. Ён таксама дадаў, што ў першым квартале разнавіднасць і маштаб гандлю паміж КНР і АСЕАН пастаянна павялічваліся, гэта сведчыць аб інтэграцыі і дапаўненні вытворча-збытавых ланцужкоў, а таксама аб узаемнай выгадзе і выйгрышы.

Старшы віцэ-прэзідэнт Кансультатыўнага аддзела прамых замежных інвестыцый фінансавай групы UOB Дай Ліянь адзначыла, што эпідэмія выявіла слабасць глабальнага ланцужку паставак і палітычнае ўмяшанне, гэта прымушае прадпрыемствы розных краін перагледзець свае стратэгіі закупак і паставак. На гэтым фоне, чакаецца, што пасля эпідэміі АСЕАН працягне заставацца папулярным рэгіёнам для інвестыцый кітайскіх прадпрыемстваў. Па словах Дай Ліянь, АСЕАН ужо даўно стала другім найбуйнейшым раёнам для інвестыцый Кітая. Толькі ў 2018 годзе КНР заснавала 5200 кампаній у краінах Паўднёва-Усходняй Азіі, стварыўшы працоўныя месцы для 430 тысяч мясцовых жыхароў. «Эпідэмія і абмежаванні ў турызме далі шматлікія нязручнасці і новыя выклікі для прадпрыемстваў, аднак план замежных інвестыцый з’яўляецца доўгатэрміновым, сітуацыя паступова вернецца ў нармальнае рэчышча», — дадала Дай Ліянь.

2020 год стаў годам супрацоўніцтва ў лічбавай эканоміцы паміж Кітаем і АСЕАН. Чжан І адзначыў, што КНР і АСЕАН могуць скарыстацца гэтай магчымасцю, выявіць новыя асаблівасці двухбаковага ўзаемадзеяння ў сферы 5G, электроннай камерцыі, дыстанцыйнай адукацыі і тэлемедыцыны.