У складаных умовах надвор'я ДАІ заклікае быць вельмі асцярожнымі

ДАІ заклікае быць асцярожнымі ў сувязі са складанымі ўмовамі надвор’я, паведамілі БЕЛТА ва УДАІ УУС Мінаблвыканкама.

Паводле даных сіноптыкаў, у рэспубліцы ў бліжэйшыя суткі чакаюцца неспрыяльныя ўмовы надвор’я ў выглядзе дажджу і мокрага снегу. Днём прагназуецца ў многіх раёнах мяцеліца. У начныя і ранішнія гадзіны ў асобных раёнах туман, на дарогах галалёдзіца, прычым парывы ветру будуць дасягаць 15-20 м/с.

ДАІ настойліва рэкамендуе вадзіцелям прыняць пад увагу гэту інфармацыю і пры руху выконваць меры бяспекі — выбіраць бяспечную скорасць, дыстанцыю да наперадзе ідучага аўтатранспарту і бакавы інтэрвал. «За рулём трэба быць уважлівым, трэба пазбягаць рэзкіх тармажэнняў і па магчымасці такога небяспечнага манеўру, як абгон. Удвая трэба быць уважлівымі пры праездзе мастоў, пуцеправодаў, на закругленнях аўтадарог, спусках і пад’ёмах. Ва ўмовах дрэннай бачнасці, а таксама ў цёмны час сутак неабходна рухацца з мінімальнай скорасцю руху ў населеных пунктах. Пры пад’ездзе да нерэгулюемых пешаходных пераходаў знізіць скорасць аж да спынення, паколькі на праезнай частцы раптам можа з’явіцца пешаход», — сказалі ў ведамстве.

Пешаходам у такіх умовах надвор’я раяць быць асцярожнымі пры пераходзе праезнай часткі, пераходзіць дарогу толькі ва ўстаноўленых правіламі месцах, пры гэтым не спяшацца і глядзець заўсёды па баках. У цёмны час сутак важна абазначыць сябе святловяртальнымі элементамі.